Declaracion de la differance entre pechié mortel et veniel selon l’oppinion de maistre Guillaume Vorrillon [Part 1]

[Chantilly, Musée Condé, ms. 140, f. 132]

Vostre question tresutile qui demande qu’est pechié mortel a bien le comprendre pressupose devant soy la congnoissance de trois petis articles. Le premier est qu’est pechié. Le second, comment se devise en sa commune division pechié. Le tiers, comment se prent la mort en la Saincte Escripture, et se congneu pourrons veoirs qu’est peché mortel.

Quant au premier article, qu’est pechié, dit saint Augustin ou livre de la Nature de Bien: Peccatum est corrupcis modi sp’ci et ordinis. C’est a dire, bonne operation est ordonnee a bonne fin, bonne operacion est o mesure, bonne operacion est o beaulté spirituelle, mais pechié prive maniere, pechié prive forme, pechié prive ordonnance. Pour quoy dit saint Augustin ou livre de la Cité de Dieu: Peccatum est absencia boni ubi debet esse. C’est a dire, pechié est defaulte de bien ou il fut requis.

Pour quoy est assavoir que en pechié devons considerer deux choses: la matiere du pechié ou le fait en soy, secondement, la difference, et ainsi diffinist pechié une diffinicion magistrale laquelle dit: Peccatum est actus incidens ex deffectu boni. Pechié, dit la diffinicion, est ung fait incident. C’est a dire, ung accident par deffaulte de bien, laquelle deffaulte se appelle difformité. Ainsi le determine Jehan Damascene, qui dit: Peccatum est abeo quod est secundum naturam mid quod est preter naturam conversio. Pechié, dist il, est quant homme ou femme lesquelz Dieu fist et ordonna a bonne operacion selon nature soy convertissent ou pervertissent a ce qui n’est point de nature et laissent ce

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s