Declaracion de la differance entre pechié mortel et veniel selon l’oppinion de maistre Guillaume Vorrillon [Part 2]

[Chantilly, Musée Condé, ms. 140, f. 132v]

que dit raison et obeissent a l’apetit de la sensualité par quoy l’entendement est obscur, disant saint Augustin: Peccatum est deffectus quidem aluce veritatis naturam non perimens sed obscurque. Pechié n’est qu’un deffault de la lumiere de verité qui enlumine tout le monde, laquelle est Dieu. Lequel pechié ne tue pas nature mais la obscure.

Ainsi, quant a parler a la forme de pechié comme touche saint Augustin sur saint Jehan: Johanis primo, et sive ipso sicum est nichil. Pechié n’est riens, c’est a dire, pechié aneantist le pecheur et l’aloigne de vray estre et le rend instable, disant le saint prophete Jeremie en ses lamentacions ou premier chappitre: Peccatum peccavit Jherusalem propterea instabilis facta est Jherusalem. C’est a dire, le peuple a pechié et par pechié est fait inconstant. Et tant soit du premier article.

Quant au second article, est assavoir que pechié se divise en trois especes: pechié originel, pechié veniel, et pechié mortel. Peché originel se nomme le pechié ouquel l’enfant est conceu ou ventre de sa mere, dequel en plourant dit le saint prophete David ou Pseaulme cinquantie sinc: Ecce enim iniquitatibus conceptus et in pecatis concepit me mater mea. Ha, dit saint David, je suis conceu en iniquité et ma mere m’a conceu en pechié. Ce pechié regardant saint Anseaulme par meditacion dit ou Livre de Concepcion virginale: Peccatum originale est carencia debite justicie propter in obedienciam adde contracta. Pechié

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s