Declaracion de la differance entre pechié mortel et veniel selon l’oppinion de maistre Guillaume Vorrillon [Part 3]

[Chantilly, Musée Condé, ms. 140, f. 133]

originel est une privacion de justice que deussions avoir, laquelle est causee en nous par le pechié Adam, nostre premier pere.

Pechié veniel est quant la creature ayme trop autre chose que le createur, ou superhabonde ou en dit ou en fait plus que on ne feust mestier toutesfois soubz le createur. Comme quant une personne ayme trop son mary ou ses enfans ou telles chosettes, toutesfois se elle savoit que ce feust pechié contre le createur, point ne le feroit; pour quoy se doit conseiller aux saiges de telles choses, car souvent peut pecher une personne mortellement, laquelle ne cuide pecher que venielment. Pechié veniel de sa nature ne dit que trop grande amour ou conversion a la creature sans aversion ou contempnement du createur. Or est ainsi que la personne n’est pas bien humble vers son Dieu qui n’enquiert souvent sa voulenté et ses commandemens. Nous vëons que le nautonnier est dit fol quant il se met a gouverner la nef et ne scet et n’enquiert les perilz de la mer. Ce monde n’est q’une mer en laquelle nul homme et femme pour batailler et soy garder du monde de la char et du dëable, quelz sont tres grans perilz de mer, et pour glorifier en ses pensees, en ses ditz et fais son createur. Pour quoy doit enquerir affin que ne faille les commandemens de Dieu. Autrement seroit dit contempteur et pecheroit mortelment. De ce pechié veniel dit saint David ou Pseaulme VIe: Delicta inventutis mee et ignoranaas meas ne memineris. Et saint Jehan l’apostre dit en sa premier cantique ou premier chappitre: Si dixerimus quam peccatum non habemus ipsi nos sed nemius et veritas in nobis non est. C’est a dire que sans grant privi-

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s