Declaracion de la differance entre pechié mortel et veniel selon l’oppinion de maistre Guillaume Vorrillon [Part 5]

[Chantilly, Musée Condé, ms. 140, f. 134]

le Ladre fut mort dit saint Luc, les angelz le porterent ou sain d’Abraham. C’est a dire ou limbe des peres avant que Jhesus montast aux cieulx. Par quoy dit saint David: Preciosa in conspectum domini mors sanctorum illius. La mort des saints est moult precieuse devant Dieu. La seconde mort est pechié mortel, car comme en mort naturelle l’ame est divisee du corps, aussi pechié mortel nous divise de Dieu, comme dit Ysaye le prophette LIXe chappitre: Iniquitates vostre diviserunt inter vos et deum vostrum et peccata vostra absconderunt faciem enis a vobis ne exaudiret. Voz iniquitez ont divisé entre vous et Dieu et voz pehciez vous ont osté sa face que ne vous essaulce.

Quartement se dit la mors, la mort d’enfer, de laquelle parle saint Jehan en l’Apocalipse ou second chappitre: Qui vi[n]ceat non le detur a morte secunda. Qui aura eu victoire en ce monde sur les temptacions ne sera point blecé de la mort seconde. Elle se appelle la mort seconde car elle est baillee aprés la mort de pechié mortel, laquelle est la plus aspre mort qu’il soit et que plus devons craindre comme tresbien determiné le doubteur soubtil en son second, car la divine justice est tant doulce que tousjours mains punist que on n’a desservi, ainsi que l’offense est majour que la pugnicion. Par quoy s’ensuit evidentement que pechié mortel est plus mortel et plus let que le feu d’enfer, consideré ou soy ou sa peine. Et ce cy est quant au tiers article.

Venons aprés ces trois consideracions a vëoir jouste vostre saint vouloir qu’est pechié mortel. Dit saint Augustin ou Livre de Franc Vouloir: Peccatum mortale est spreto

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s