Le Pelerinage de l’ame en prose [8]

[Chantilly, Musée Condé, ms. 140, f. 7v]

fust portier du ciel, aussi l’estoit saint Pierre l’apostre, et pour ce devoit estre aussi appellé, et aussi son lietenant en terre par lequel iceulx pelerins doivent estre passez. Et s’il y a aucuns d’iceulx pelerins qui ne lui ayent descouvert sa concience par vraye repentance et contriction et fait penitence et fait satisfacion, mon glaive flamboyant vouldra discerner et faire jugement pour faire passe[r] ou ciel ceulx qui auront bonne cause et les autres chasser en dampnacion. Et pour ce est pieça nommé Versatile, car souvent se tourne et varie selon ce que chacun pelerin se diversifie en tenant le bon chemin ou le mauvais. Et pour ce je ferai voulentiers avecques toy en ce jugement, mais que Pierre le Portier y soit, dont j’ay parlé cy devant.

Et si me semble pour declairer les choses que bon seroit de appeller Raison, Justice et Verité avecques aucuns juristes et coustumiers qui scevent et ont aprins les coustumes et drois des paÿs d’iceulx pelerins [qui] sont de diverses manieres et que les aucuns se appellent nobles et les autres non nobles.

Et aussi y en y a de diverses regions, qui seroit bon que on appellast a faire ce jugement ceulx qui sont lassus, qui ont esté en tel estat et condicion comme iceulx pelerins, et mesmement ceulx qui lesdiz pelerins ont en terre advouez et qu’ilz ont eu plus en memoire, et ceulx a qui plus ilz estoient tenus pour les promesses qui leur ont faictes.

C’est assavoir que on appellast pour les nobles saint

[f. 8]

George, pour les clers saint Nicolas, pour les hermites solitaires saint Anthoine, et pour ceulx de religion les cheifz d’iceulx, comme pour les cordeliers saint François, pour les freres prescheurs saint Dominiquez, pour moynes noirs saint Benoist et pour les gris saint Bernard. Et pour ceulx qui ont l’ordre de mariage saint Pol l’apostre, non mie que je vueille dire qu’il feust marié mais pour ce qu’il enseingna le peuple des Corinthiens et moult d’autres gens qui devoient garder mariage. Et aussi pour les vesves femmes soit appellee saincte Anne, et pour les vierges saincte Catherine, et moult d’autres selon les divers estatz desdis pelerins qui seroient trop longs a raconter de present.

Tu scez bien qu’on doit faire en tel cas, on ne peut estre trop bien acompaginé. Et aussi seroit honte quant nostre bon roy vouldra tenir son jugement qu’on retraitast ce qui seroit ycy fait. Car avecques lui ces saiges de son royaume de Paradis feront et toy mesmes y seras pour approuver ces jugemens et pour demonstrer que ce que tu as fait a esté fait par bon conseil. Si me semble qu’il est temps d’appeller ceulx qui doivent estre assemblee.

Si sonne une autre trompille pour appeller ceulx qui doivent estre assistens au jugement

Adonques sonna une trompette moult longuement et haultement. Et puis fut fait ung cry a haulte voix en ceste maniere: Vous qui avez a coustume d’estre presens en noz jugemens, soient tous prests et apparrillez et venez tantost a prendre voz sieges selon vostre ordre. L’estat desquelz ainsi appellez est assez demonstré ou quart chappitre de l’Apo-

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s