Le Pelerinage de l’ame en prose [40]

[Chantilly, Musée Condé, ms. 140, f. 39v]

qu’il n’en deïst tousjours mal. Mort fut sans confession et aux champs en terre et de tous estre jugé dampné pour son pechié. Je le vy hors de sa maison criant mercy aux passans en soy batant d’unes verges toutes les fois que aucun passoit parla. Ainsi le fist il quant par la passay dont je m’esbahy. Lors lui demanday se c’estoit il qui souloit demourer leäns.*

Cy respond le voisin au pelerin

BnF fr. 602 f. 31
Paris, Bibliothèque nationale de France, fr. 602, Le Pelerinage de l’ame en prose, f. 31 detail

Je suis ycy, dit il, voirement longuement ay ycy esté et serai tant qu’il plaira a Dieu, lequel m’a monstré sa grant doulceur tellement qu’il ne m’a mye dampné.

Ja soit ce que je feusse exemple a tous de mauvaise vie. Et saches que je prens en pacience ma purgacion en moy batant publiquement et en criant merci a tous ceulx que j’ay offensé par mes torfais.

Cy fait question le pelerin a son voisin

Lors je lui dis qu’il convenoit qu’il eust fait aucun bien puis qu’il estoit preservé d’aller en Enfer et que sa peine estoit taupee a peine d’enfant.

Cy respond le voisin au pelerin.

Las dolent, cuides tu que je seuffre tant seulement la bature de ces verges? Nennil voir, ainsi suis en feu et en flame; mais j’ay confort en mon bourdon. Et saches que combien que devant la mort, nul bien n’eusse fait et que je ne me feusse point confessé, toutesfois je euz repentence et contriction et bon propos de moy confesser. C’est ce pour quoy Jhesucrist de sa grace m’a fait ycy venir. Tantost aprés je en revi ung autre qui estoit du tout purgé, si que son bon angle l’eust hors mené, n’eust esté ce qu’il estoit lyé et enchaynné a une huche lequel parloit durement ainsi a ses parens** et amis.

Cy parle ung pelerin de Purgatoire a ses excecuteurs.

[f. 40]

Vous, disoit il, qui estiez jadis mes amis pour le mien je vous feis mes excecuteurs, et cuiday que vous paissiez mes debtes et torfais, mes lais, mes aumosnes et mes dons. Assez de biens trouvastes en mon inventoire pour ce faire.

BnF fr. 602 f. 31v
Paris, Bibliothèque nationale de France, fr. 602, Le Pelerinage de l’ame en prose, f. 31v detail

Or est il ainsi que peu ou riens en avez fait. Tout le mien tenez en vostre huche, pour quoy je y suis lié tellement que je ne puis aller ou je doy, dont moult me poise.

Desliez moy tantost d’ycy et payez mon testament, ou sachez certainement que vous serez dampnez et ce non obstant la Grace Dieu m’aidera qui rompra mon lyen. Car il ne tient mie a moy que ne ayez fait vostre devoir des biens de mon execution, lequelz vous tenez enfermez. De telles choses assez se vy, lesquelles je n’auroye pas racontees en ung an pose que autre chose ne feïsse que parler. Mon gardien me mena par tout et me monstra quanqu’il y avoit; moult estoit grant, large et long le lieu des penitens.

Quant j’estoie au monde, je n’eusse point cuidé qu’il y eust eu telle peine. C’est moult grant chose que pechié qui n’est purgé devant la mort es lieux ou l’en a demouré, dont il ne se part point se ce n’est par l’ordonnance de Dieu. La endroit il attent celui qui l’a fait quant on lui remaine.

Et quant est des pechez mortelz que les dampnez ont fais, ilz descendent en Enfer en les attendant. Et quant aucun d’iceulx y vient, il est assaillé de son pechié mortel et l’envaïst fort selon la qualité qui est avec, lequel Sathan se adjoint et ne se feignent point eulx deux de tourmenter le povre pelerin.

Ainsi le vy je assez briefvement quant de Purgatoire ou j’estoye mon bon angle me mena avant, ainsi comme en entrant dedans terre dont il sourdi une grant pueur

* Everything from Ainsi to leäns is transcribed from BnF fr. 602, as these sentences, which are important for the sense of the passage, are missing from the Chantilly manuscript.

** a ces parens has also been omitted from our manuscript.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s