Le Pelerinage de l’ame en prose [91]

[Chantilly, Musée Condé, ms. 140, f. 90v]

print le miel dont tantost aprés que du mengant la viande estoit yssus. Celle viande estoit ceulx que Enfer tenoit en sa gueule, lesquelz Jhesucrist lui osta. Mais il lui laissa ceulx qu’il avoit dedans son engloutis qui n’estoient pas ses amis. Bien lui pesoit qu’il ne pouoit pas avaler ceulx qu’il tenoit en sa gueule lesquelz estoient gardez a Jhesus pour estre par lui delivrez, comme David lui avoit pieça supplié en disant qu’il le voulsist delivrer de la gueule du lyon.

Quant le soleil est en ces signes dont j’ay parlé, il n’est pas temps de faire feste. Mais la vielle doit estre mise soubz le banc pour ce que pour lors le sang fut tiré de tout le corps Jhesucrist moult cruelement. Et pour ce chascun doit estre en oroison et lamentacion; ainsi le font ycy a mout, car tous et toutes sont en oroison et mercient Dieu en le priant pour les pecheurs.

Ci fait question le pelerin a son ange.

Quant mon bon angle me eut ainsi parlé de ces XII signes, je fus assez content et comme acertené des choses qu’il avoit touchees au regart des cinq derniers signes. Mais quant des deux premiers, c’est assavoir Thaurus et Ariez, je ne fus mie content de ce qu’il avoit dit s’il ne me disoit autre chose qui me liast et contraingnist a ce croire.

Ci fait response l’ange a la question du pelerin

Adoncques pour moy acertener des choses dessusdites, il me dist que quant Herodes voult mettre a mort le saint soleil Jhesus, a son lever il livra a mort les enfans pour lui, par quoy fut ony le roy et la lamentacion de Rachel. Et pour ce par

[f. 91]

raison peut on dire que Herodes le tua en ses membres et en cuer le livra a mort de ces enfans qui ainsi furent occis. Ne diz je pas que lassus ilz n’ayent grant feste, mais je dy que point feste n’y a du tapassement du vray soleil qui se muça pour Herode.

Aussi est il de l’autre signe, car en ce temps qui lui fut moult cruel l’eglise commencé a dire ploremus en ensuivant la grase de l’eglise du ciel. En ces sept signes dont je t’ay parlé, le soleil est aussi celé quant a feste; mais en deux autres signes grant feste lui ait faitte. C’est assavoir en Virgo et Genu ou premierement fut et descendi. Des autres trois te dirai esquelz aussi il a grant feste: l’un est appellé Aquarius ouquel il fut lavé ou fleuve Jourdain par saint Jehan baptiste – non mie qu’il eust mestier d’estre lavé ou fleuve, mais ainsi fist il pour sainctifier les eaues et a prouver le sacrement de baptesme. A ce jour ot grant feste ou ciel et s’en va chascun chantant autour de la fontaine de vie, en disant que d’icelle procede et ist toute eaue benoiste et que par sa benediction fut faitte la mutacion d’eaue en vin aux nopces archedeclin. A celui jour descendi le saint Esperit en semblance de coulon sur l’eaue.

Des aussi tost que le monde commença il vola sur les eaues, mais nous ne savons pas que lors s’arrestat car les eaues n’estoient pas pour lors beneistes. Mais maintenant nous

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s