Disputation [13]

[Paris, BnF fr. 1793, f. 149v]

parfont abisme d’Enfer l’angele Lucifer qui par son orgueil se voult eslever a l’encontre de sa dominaction. Et ainsi se doivent les autres pseaulmes dire a l’encontre des autres six pechiez mortelz.

Je te demande, dit le pryeur, de quelle valeur ou prouffit est a l’ame du pecheur Placebo avec Dirige?

Respond l’esperit: O pryeur, cest office est de moult grant mistiere, car les .V. pseaulmes avec les .V. anthiennes et placebo reconseillent et repaissent l’ame quant a l’acomplissement des Dix Commandemens de la loy. Les .IX. pseaulmes et dirige disposent l’ame estant en Purgatoire en aucun degré des IX. ordres des angelz. Et les .IX. anthiennes avec les .IIII. verses font signifier a l’ame les XII. articles de la

[f. 150]

sainte foy catholique laquelle ame a parfaictement creu sans quelque doubte par la doctrine de sainte eglise. Et les .IX. lecons confortent l’ame quant a .IX. estas qui sont en Purgatoire, car chascune ame estant en Purgatoire ou elle tient l’estat de povreté ou l’estat de puissance, de richesse ou jeunesse, de mariage, de vefveté, de clers ou de lays, en quelque degré ou estat que l’ame a pechié, en tel degré ou estat est elle purgiee en Purgatoire. Aprés les .V. pseaulmes des laudes reconfortent l’ame quant aux .V. sens de nature par le moyen desquelz elle a servi Dieu. Aussi les .V. anthiennes des pseaulmes des laudes recreent les ames en Purgatoire quant a leurs puissances de quelles Dieu a donné a

[f. 150v]

toutes ames. Car Dieu a cree en l’ame de chascune personne troiz puissances par lesquelles elle est semblante a Dieu, et deux autres par lesquelles ressemble aux autres creatures de Dieu crees par puissance memorative. Elle est semblable a Dieu le pere par puissance intellective; a Dieu le filz par puissance voluntaire; a Dieu le saint Esperit par puissance negative; aux arbres par puissance gressive et aux bestes par puissance sensitive. Les pseaulmes cantiques comme Mgrant ou benedictus pour les mors, iceulx confortent les ames en Purgatoire quant a la divinité et humanité esquelles pseaulmes les ames quant elles sont purgiees de leurs pechiez doivent loer Nostre

[f. 151]

Seigneur Jhesucrist. Et les deux antiennes servans a ces deux cantiques seignifient les joyes de Paradiz que les ames purgees auront aprez leur purgacion et les deux cellectes qui se dient en placebo et dirige signifient les graces et loenges que les ames delivrees de la paine de Purgatoire rendront au createur. Ces choses ainsi dictes et exposees, l’esperit se commença a plaindre et a gemir moult fort comme une voix foible et malade disant en ceste maniere: O pryeur, se tu vuelz autre chose demander, si le demande hastivement car le temps vient qu’il me conviendra taire pour la tresgrieve et angoisseuse paine qu’il me convient souffrir.

Adonc le pryeur lui dit: Te

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s