Archives de la Cote d’Or, B 1617

f. 24

A lui par autre sa lettre faicte le ixe jour de juing mil cccc vint et deux / la somme de cent cinquante quatre escus dix huit solz de xl gros / dicte monnoie de flandres lescu, que le dit receveur general lui fist / le dit jour baillier et delivrer par les maistre de la monnoie / de gand, Pour icelle somme tourner et convertir ou fait de la / despens ordinaire de madicte dame icelle lettre cy rendue

[f. 24v]

Au dit Pierre mace jadiz secrectaire et receveur general des / finans de feue madame la duchesse de bourguoigne darnier trespassee / cui dieux pardoint la somme de Cincq cens trente deux livres / six solz quatre deniers a quarante gros monnoie de flandres / la livre En deniers a lui baillee comptans pour convertir / en lacquit des debtes deues par feue ma dicte dame a gand / Si quil appert par sa lettre de recepte faicte le xxvi jour de septembre / mil cccc xxii Cy rendue

f. 26v-27

Audit monseigneur levesque de beethleem conseillier de mondit seigneur et confesseur / de madame la duchesse de bourguoigne espeuse de mon dit seigneur Auquel / icellui seigneur pour les bons et aggreables services que icellui evesque / a fais ou temps passe longuement et loyaulment a feu monseigneur / son pere dont dieux ait lame duquel a son vivant il estoit / confesseur fait de jour en jour a lui et a madicte dame la duchesse / et espoire que encores face ou temps advenir, et affin quil ait [f. 27] mieulx et plus honnorablement avoir et tenir son estat en son service / mesmement que il lui convient en icellui moult fraier et despendre / a ordonne, et assigne de sa grace especial avoir et prendre de lui de / pencion par chascun an la somme de iiiixx frans monnoie royal pour lui et son / compaignon A icelle prendre et avoir sur la dicte recepte generale / a deux termes et paiemens Cest assavoir noel et saint Jehan baptiste / dont il a voulu et veult le premier terme escheoir et commenchier / au jour saint Jehan baptiste mil cccc xxii et ainsi de la en avant / dan en an et de terme en terme tant quil lui plaire Si comme tout / ce puet apperoir par les lettres patens de mondit seigneur sur ce faictes donnees / A dijon le xxvi jour de fevrier mil cccc xxi cy rendues a court / paye au dit monseigneur de beethleem Pour quatre mois et ung tiers / de mois Commencans le dit xxvie jour de fevrier et finissant le viie / jour de juillet m cccc xxii pour sa dicte pencion Si quil appert / par sa quictance cy rendue

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s