Archives de la Cote d’Or, B 1617

f. 63v-64

A Jehan caillet Wanezie henry de houx et Thiebaut destra[s]bourg / nenestrelz de mondit seigneur, la somme de Soixante escus dor / du pris de xlii gros nouvelle monnoie de flandres lescu que / mondit seigneur leur ordonna estre baillee et deilvree ou mois de / septembre mil cccc xxi pour leurs necessitez et affaires / mesmement pour eux vestir et la quelle somme de lx escus / dor le dit receveur general leur a voulu deduir et rebatre / du premier terme de leurs pencions escheu au noel ensuiant, les / quelles pencions depuis le dit mois de septembre mondit seigneur / leur a ordonne prendre et avoir de lui chascun an qui leur / feust tourne a grant dommage et prejudice veu que a lors / et depuis quilz les avoit retenus a lui Ilz navoient de / lui aucune ordonnance de pencion pour soustenir leur [f. 64] estat ainsi quilz souloient avoir de feu monseigneur son pere cui dieux / pardoint aussi les grans frais messions et despens quil leur / avoit convenu avoir et soustenir en son service et les pertes et / dommages quilz avoient souffertes et soufroient de jour en jour / en leurs biens et heritagegs assis prez de la riviere doise pour / occasion de la guerre Comme ce Ilz ont fait exposer a mondit seigneur / humblement suppliant sa convenable provision Pourquoy / Icellui seigneur ces choses considerees et les bons et agreables services / que les dessusditz lui avoient fais et faisoient chascun jour, et / mesmement quil estoit bien recors de ce que dit est veult / et mande a messires de ses comptes a dijon que icelle somme / de lx escus Ilz allouent es comptes et sans contredit ou / difficulte aucune Rabatent de la Recepte du dit Receveur / general Par Rapportant quittance diceulx menestrelz tant / seulement Nonobstant que lesdictes du don soient de date / subsequent le jour que les lettres de leurs dictes pencions furent / commandees Sicomme tout ce puet apparoir par lettres de mandement / de mondit seigneur sur ce faictes Donnees a dijon le xxvii jour de fevrier / mil cccc xxi garnies de quittances selon leur dit contenu / cy Rendues

f. 64-64v

A Monseigneur levesque de Bethleem confesseur de madame la / Duchesse de bourgoigne la somme de quarante courrones au pris / de xl gros monnoie de flandres piece, la quelle mondit seigneur/ pour consideracion des bons et agreables services que le dit / evesque de bethleem avoit faiz a feu monseigneur son pere, que / dieux pardoint duquel en son vivant Il estoit confesseur / longuement et loyaument et faisoit encores de jour en jour / a lui et a madicte dame, et afin quil eust mieulx de quoy / se y honnestement maintenir et gouverner, lui a donne de / sa grace pour une foiz Sicomme Il appert par ses lettres de / mandement sur ce faictes donnees a salnis le xi jour davril / mil cccc xxi avant pasques garnies de quittances du dit [f. 64v] monseigneur de bethleem dicelle somme cy Rendues

f. 64v-65

A Geradiffer(?) taelgher clerc des offices des hostelz de mondit seigneur / et de madame la duchesse sa compaigne, la somme de Cinquante / frans de xxxiii gros nouvelle monnoie de flandres le franc / La quelle mondit seigneur lui a donnee de sa grace pour une foiz pour / consideracion des bons et agreables services quil avoit fais longuement / et loyaument a lui et a madicte dame faisoit encores de jour / en jour et afin quil eust mieulx de quoy se honnestement / maintenir ou dit estat et service Sicomme Il appert par mandement / dicellui seigneur sur ce fait Donne a la ville de beaune le xxve / jour davril lan mil cccc xxii garni de quittances du dit [f. 65] gadifer de la dicte somme tout cy Rendu

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s