Archives de la Cote d’Or, B 1617

f. 112v

A Alaidin de Jeneth chevaucheur de lescuiere de feue madame / la duchesse darrnier trespassee que dieux pardoint en son vivant que / monseigneur lui donna pour estre venu devers lui, et pour sen retourner / ou pays de flandres vii frans demi

f. 113-13v

A frere martin pignon religieux du couvent des freres prescheurs / de sens, la somme de huit frans monnoie royal que mondit seigneur / lui a ordonnee estre baillee et delivree comptant pour et acause de / certains suffrages fais et aussi a faire par Icellui religieux / tant pour le salut et remede de lame de feue madame la / duchesse que dieux absoille, comme autrement ainsi que darreniere [f. 113v] mondit seigneur lui estant en la ville de bedelay ou voyage de cosne / lui ordonna et encharga faire Sicomme Il appert par mandement / de descharge dicellui seigneur sur ce fait donne a chastillon sur seyne / le xxi jour daoust mil cccc xxii garni de quittances sur ce dudit / frere martin cy Rendu

Au dit receveur general la somme de vint neuf frans cinq solz quatre / deniers parisis monnoie royal la quelle du commandement et ordonnance / de monseigneur Il a payee baillee et delivree comptant pour les causes / et parties qui sensuient Cestassavoir pour xvi xiies desguillettes au / pris de ii sous la xiine valent xxxii sous parisis, Item pour ii xiies de / las de pourpoint au pris de iiii sous la xiine valent viii sous Item pour iiii xiines de las de poignez au pris de xii deniers la xiine valent / […] / facon dun tray(?) pour son petit martelet xxxii deniers Item / a une femme en lostel de la quelle mondit seigneur sestoit chauffe / et essue par deux foiz apres ce quil se avoit baingnie a / troyes quant darnier il y fu a chascune fois I franc sont ii frans, Item / pour deux las de soye lun pour le grant patrenostre de / corail de mondit seigneur et lautre pour la petite au bouton dor viii sous / Item pour iii paires de gans pour jouer a la palme au pris de / ii sous la paire valent vi sous Item que mondit seigneur lui ordonna bailler / et delivrer A mes damoyselles Anne et angnes ses suers / I escu dor de xviii sous, Item pour ii gibeueres au pris de vi sous / viii deniers la piece font xiii sous iiii deniers Item pour ii xiies et demie / de gans au pris de xiiii sous la paire valent vii frans demi, Item / pour ii xiies de las de pourpoint au pris de iiii sous la xiie / valent viii sous Item pour iiii xiies de las de poignez au pris / de xii deniers la xiie valent iiii sous Item pour ii gibecieres au / pris dun escu la piece valent xxxvi sous Item pour une [f. 114] […]

f. 114v

Au dit confesseur que mondit seigneur lui estant en sa ville davalon / lui ordonna, distribuer en certains suffrages pour le salut et / remede de lame de feue madame la duchesse dont dieux ait lame xlii sous parisis.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s