Archives de la Cote d’Or, B 1623bis

f. 23v

De lui la somme de six vins dix huit livres tournois monnoie presentement / courant pour convertir en la despens ordinaire de ma dicte damoiselle  Agnez et de ses gens du dit mois de decembre prouchain venant / par lettre de recepte du dit pierre faicte le xvie jour de novembre lan mil / CCCC vint trois

De lui la somme de six vins six livres tournois monnoie presentement courant En / deniers payez a monseigneur labbe de Cisteaux pour vin quil a baillie et / delivre pour la despens de lostel de feue ma dame la duchesse darrenier / trespassee cui dieu pardoint par lettre de recepte du dit pierre faicte le darrenier / jour de janvier lan mil CCCC vint trois

De lui la somme de trante six livres tournois monnoie presentement courant / En deniers payez a maistre Jehan pellechoux nagueres bailli de feue ma / dicte dame, a lui deue pour les despens de ses chevaux et autrement comptez / par les Escroes de la despens de lostel de ma dicte dame par lettre de recepte / du dit pierre faicte le darrenier jour de janvier lan mil CCCC vint trois

De lui la somme de quatre cens Cinquante sept livres quinz solz cinq / deniers tournois monnoie presentement courant En deniers payez Cestassavoir [f. 24] a Jacot girart bouchier de lostel de feue ma dicte dame vixx v livres xvi sous / iii deniers a humbert noirot et son compaignon poullailliers C iii livres ix sous ii deniers / Et a Jehan soyer et ses compaignons poissonniers dicellui hostel et de ma / dicte damoiselle Agnez de bourgoingne vixx viii livres x sous qui deue leur estoit de / reste a cause de leur dit service de tout le temps passe jusques au / premier jour du mois de fevrier CCCC vint trois inclux Et C livres tournois / pour convertir ou paiement daucuns des serviteurs et varlez dicellui / hostel pour leurs chausses, sollers, et memes parties de despense / par lettre de recepte du dit pierre le watier faicte le premier jour de fevrier / lan dessusdit mil CCCC vint trois

De lui la somme de seize livres douze deniers tournois monnoie presentement / courant En deniers payez Cestassavoir a Jehan dardenay viii livres xi sous viii deniers / a Jehan de visen iiii livres x sous au dit Jehan fraignot li sous et a Joffroy le / maire viii sous iiii deniers pour plusieurs parties de vin, burre, poisson, chandill’ / de sup, lumignon(?), buche, et charbon, commptees sur eulx par les / escroes de la despens de ma dicte damoiselle Agnez de bourgoingne et des / gens de feue ma dicte dame sa mere depuis le xxviiie jour de janvier / darrenier passe jusques au premier jour de ce present mois de fevrier par / lettre de recepte du dit pierre le watier faicte le vie jour de fevrier / lan mil CCCC vint trois

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s