Archives de la Cote d’Or, B 11917

Par monseigneur le conte en son conseil.

[signature]

 

Charles de bourbon Conte de clermont aisne filz de nostre tresredoubte seigneur et pere le duc de bourbonnois et dauvergne Ayent le gouvernement en son absence de ses pais terres et seigneuries Et lieuten…ial de monsneigneur le roy esdiz pais lionnois et masconnois et jusques a la cherite sur / loire incluse A tous, ceulx qui ces presentes lettres verront salut Comme despieça Aient este prinses et accordees certaines abstinences de guerre. Entre les pais des duchie et conte de bourgoingne, et de charolais et ceulx de nivernois et donzois et autres Pour la partie de / nostre trescher seigneur et frere le duc de bourgoingne conte de flandres dartois et de bourgoingne declairez et compris plusaplain es lettres desdictes abstinences dune part. Et lesdiz pais de nostre dit tresredoubte seigneur et pere Cestassavoir de bourbonnois forez beaujollois et autres declairez et compris en icelles lettres dabstinences / dautre part lesquelles a[b]stinences de guerre ayent pluseurs fois este conservees Et neantmoins puis aucun temps en ca petitement gardee et entretenues Aincois ayent este en pluseurs poins corrompues et enfraintes en tant que grant guerre se mouvoit et encommancoit entre / lesdiz pais dont pluseurs maulx et domages sont ensuis et estoient taille destre plus grans et inreparables ausdiz pais, et pour ce affin de y obvier et pourveu a la reparacion des choses actemptees et entreprises faictes contre lesdictes abstinences, et(?) la bonne conduite et entretenement dicelles pour le / temps advenir Par le moien de reverend pere en dieu labbe de clugny Ait este prise accordee et tenue une journee a bourc en bresse au xxime jour de ce present mois de septembre A laquelle de par nostredit seigneur et frere de bourgoingne ayent este envoyez en embassade messires phelibert audrinet messire gliart / de la guiche et messire hugues de boiz bailly de charrolais chevaliers lancelot seigneur de lurieu escuier bailli de mascon chamberlans de nostredit seigneur et frere guiot bourgon escuier maistres glaude rochete henry de clugny nicolas bastier et jehan faignot tous conselliers de nostredit seigneur et frere Et de par nostre tres / redoubtee dame et mere la duchesse de bourbonnois et dauvergne et nous messire phelibert seigneur de lespinace dit cromorant(?) chevalier bailli de beaujollois maistre oudart clepies president en bourbonnois et maistre pierre de carmonne(?) tous conselliers de nostredit seigneur et pere et de nostre dicte dame et mere / et de nous, Entre lesquelx ambesseurs et deputez de par lesdictes parties, et par le moien de claude du seps escuier seigneur de la ravaire et president en la chambre des comptes de savoye oddo seigneur de champdue, bailli de bresse et messire jaques lorroul docteur en loys et en decret juge dudit pais de / bresse tout conselliers de nostre trescher et tresame cousin le duc de savoye Illec de par lui envoiez et ordonnez pour estre mediateurs entre les gens et embassadeurs de nostredit seigneur et frere le duc de bourgoingne et de nostredicte dame et mere et de nous Ayent este traictees appointees et accordees ledit xxie jour et autres jours ensuiant / sur le fait desdictes abstinences pluseurs poins et articles. Ainsi et par la maniere que contenu est en certaine cedulle par eulx sur ce faicte et advisee dont la teneur sensuit A la journee, tenue au lieu de bourc en bresse le xxie jour de septembre mil iiiic xxxi et es autres jours ensuiant mise sus et arrestee Par le moien / de reverend pere en dieu monseigneur labbe de clugny vue la reprise entretenement et bonne conduite des trevez et abstinences de guerre prises despieça Et depuis assez souventesfois refermees(?) Entre les pais de monseigneur le duc de bourgoingne Cest assavoir es duches et contez de bourgoingne et de charolois et / aussi les pais de nivernois donziois et de masconois, et pour les villes chasteaulx et pais royaulx enclavez en iceulx comme clugny et les terres et forteresses apartenans a monseigneur labbe dudit lieu de clugny et aussi au couvent dicelle esglise musegny les nonnois tournez saint jangoul / sainte marie du bois les chasteaulx et villes de messeigneurs les evesques dostun chalon mascon Et aussi des doien et chappitre des esglises de chalon et mascon et toutes autres villes royaulx indifferamment enclavez en iceulx pais dune part Et les pais terres et siegnories de monseigneur le duc / de bourbonnois Comme les duchez de bourbonnois et dauvergne et les pais de forez beaujollois combraille la criiie de sancerre les villes de saint poursant eusse ambierle cherlieu chastel neuf et aussi esbinelle et autres villes et pais royaulx indifferamment enclavez en iceulx, Ont en la presence et par le / moien de glaude du dez seigneur de ruvoire(?) president de la chambre ces comptes de monseigneur de savoye Odot seigneur de champdee bailli de bresse et de messeigneur jaques lourul docteur en lois et en decret juge de bresse tous conselliers de mondit seigneur le duc de savoie envoyez et ordonnez de par icellui seigneur pour estre / mediateurs desdictes parties este accordez traictiez et confirmez en bonne foy par les embassadeurs dune partie et dautre cy a la fin de ces presentes nommez, et envoiez pour ce tout expressement Et pour ceste cause a icelle journee les poins et articles en la maniere et forme qui sensuit premierement, que icelles abstinences / En la forme et maniere quelles ont este autrefois prises sont presentement reprises et seront doreseavant observees et bien gardees entre les pais cy dessus specifiez et delcairez Ainsi et par la forme et maniere quil est escript et declaire assez a plain es lettres autrefois faictes sur lesdictes / abstinences et confirmacion dicelles Et tellement que des pais et subgiez de mondit seigneur de bourgoingne et de messiegneurs les contes de nevers et de recel cy dessus declairez Aux pais et subgiez de mondit seigneur de bourbon aussi declairez cy dessus et ausdictes villes et pais royaulx enclavez / en iceulx ne sera fait consenti ne procure a faire aucune guerre ou porte[r] aucun domage ne inconvenance par les subgiez diceulx pais ne par autre que len puisse Et saucun domage estoit fait que dieu ne vuelle a lun desdiz pais par lautre ou souffert estre / fait, len en fera faire toute reparacion possible punicion et corection selon les cas sil y adviennent, et tout ainsi quil apartient a bonne raison faire. Item en ces presentes abstinences sont comprises les villes et terres de saint pierre le moustier et cenquoins desquelles se / font fors(?) les embassadeurs de mondit seigneur le duc de bourbonnois de madame la duchesse sa femme et de monseigneur de clermont, en telle maniere que desdictes places et pais ne sera point souffert ne procure estre fait ne porte en quelque maniere que ce soit guerre mal domage prejudice ou inconvenient / esdiz pais de mondit seigneur de bourgoingne de mesdiz seigneurs les contes de nevers leurs subgiez ne autres villes et pais declairez en yceulx pais dessus nommez. Et saucun inconvenance ou domage en advenoit en sera fait reparacion restitucion et justice convenant ainsi que dessus est dit. Item, et avec ce seront / et procureront par effect et de ce se sont fors lesdiz embassadeurs de mondit s[eigneur …] de bourbon et aussi de madicte dame la duchesse et mondit seigneur de clermont que les garnisons des gens darmes et de trait estans esdictes places de saint pierre le moustier et cenquoins seront vuidees et les feront vuidier et mectre / hors dicelles places incontinens apres la publicacion dicelle […] regart de saint pierre le moustier ilz auront delay de faire ladicte vuidange jusques a la toussains prouchain venant Pendent lequel temps toutesvoyez ilz ne feront ne procureront estre fait en quelque maniere / que ce soit aucune guerre mal domage ou inconvenance esdiz pais de […] ne de mesdiz seigneurs de nevers leurs subgiez et villes enclavees dessus nommees Et aussi ne nont mis esdictes places de saint pierre le moustier et cenquoins aucune autres gens darmes et de trait durant le temps desdictes / abstinences pour faire ou porter aucun domage ou souffrir estre fait esdiz […] seulement esdictes places les cappitaines ou leurs lieuxtenans avec les gens qui seront neccessaires pour la garde et seurtez dicelles es despuis des seignories(?) ausquelx il appartend’ et sont Icelles places et non autrement / Item, Et quant est de la ville de marcigny derrenier prins[…] de clermont et ses gens, est traictie et accorde avec lesdiz ambesseurs de bourbonnois que plaine vuidange sera faicte dicelle garnisson Sans ce quel y demeure aucun de par mondit seigneur ou madicte dame de bourbon ne / mondit seigneur de clermont en quelque maniere que ce soit Et demore[…] gny en tee(?) estat quelle estre par avant la prise et occuppacion que en fist derrenierement mondit seigneur de clermont sans y riens faire de nouvel ne souffrir estre fat par lune des parties ni par lautre En laquelle ville retoneront(?) / et pouront demeur paisiblement tous ceulx et celles que pour […] abscentez en leurs maisons biens et heritages sans aucune contradicion ou difficulte Et faront(?) lesdiz de bourbonnois leur loyal pouvoir que en faisant icelle vuidange ne seront aucuns biens / des habitans dudit lieu de marsigny manans(?) et habitans en icell[e…]ez pillez fourragez ne robez Et saucuns de ladicte ville de marsegny sont pris ne empeschez a loccon’ de ladicte prinse ou autrement pour le fait de la guerre ilz seront delivrez et en feront / lesdiz de bourbonnois leur loyal pouir Item seront faictes les v[…] ces dessus nommees comprises esdictes abstinences. Cestassavoir de celles esquelles a garnisson de gens darmes et de trait tantost apres la publicacion dicelles abstinences en telle maniere quil ne demorera esdictes places aucunes / gens darmes ou autres voulans faire guerre, Et sans esdiz p[…] ne souffrir estre mis fors seulement gens preudomes et souffisant en nombre modere pour la garde dicelles places, et aux despens de ceulx a qui elles sont Item les officiers et subgiez de mondit seigneur / de bourgoingne et aussi ceulx de mesdiz seigneurs de nevers feront et garderont en tou[…] possibilite quancun passage ne sera donne ou souffert a quelxconques gens que ce soient que vuelles porter domage esdiz pais de mondit seigneur de bourbon et ses subgiez, Et avec ce garderont de leur puissance que nulz ne / passeront ne converseront par leurs pais et mectes que vuelle porter domage ou faire guerre ausdiz pais dessus nommez ne a aucuns diceulx et ne leur bailleront vivres ou do’ront recept en aucune maniere Et saucun domage y avoit este fait et len trouvoit sur les pais dessus dis / gens saisis de personnes bestiaulx et autres biens pris esdiz pais de mondit seigneur de bourbon len les restorera qui pourra, et en fera len faire restitucion et punicion selon le cas ainsi quil apartend’ par raison. Semblablement, de la partie dudit monseigneur de bourbon ne sera donne ne / souffert aucun passage A gens que vuellent porter guerre ne domage es pais de mondit seigneur de bourgoingne et de mesdiz seigneurs de nevers leurs subgiez et autres villes royaulx et enclavez dessus nommez, ne passent ou conversent gens qui facent domage ou guerre ausdiz pais / de mondit seigneur de bourgoingne, et de mesdiz seigneurs de nevers et ne leur baillera len vivres ou donra len receipt en aucune maniere Et si ladvenoit que aucun domage y fust fait len le fera reparer comme dessus. Et avec ce ceulx que seront trouvez saisis des prisonniers bestiaulx / et autres biens desdiz pais seront destroussez sil est possible de leur prinse, et en sera faicte reparacion restitucion et punicion selon le cas. Item est accorde entre lesdiz embassadeurs que pendent ladicte abstinence. Aucune desdictes parties leurs subgiez et serviteurs, ne pouron prandre / gaigner ne occupper aucunes places villes chastealx ou forteresses fors moustiers ne autres places quelxconques es pais de sadictes parties advise terres enclavees en iceulx ou autres dessusdiz soit par force par fait par emblee par traison par eschelles ne autrement en / quelque maniere que ce soit de jour ne de nuit, subpose[r?]oiez que les cappitaines gardes desdiz lieux ou autres les leur voulsissent mectre en main, Et sil advenoit que le contraire se feist les conservateurs desdictes abstinences le feront Reparer. Et pour ce cy ne sera / point ladicte abstinence rompre ne enfraincte mais demorra tous jours en sa force et vertu Item esceuries(?) acorde entre lesdiz embassadeurs, et par les moyens que dessus que en cesdictes presentes abstinences sont comprises les villes et forteresses de la / charite cosne et rousemont, et autres places estans en nivernois et donziois que tient a present et dont a le gouvernement pierrenet grasset tout par la forme et maniere contenue en la cedulle signee dudit pierrenet grasset de laquelle la teneur sensuit. Je pierrenet grassart / escuier et pannetier de mon tresredoubte seigneur monseigneur le duc de bourgoingne cappitaine de la charite sur loire savoir faiz A tous qui ces presentes lettres verront que je promes les foy et serement de mon corps que les abstinences de guerre que presentement sont reprises au lieu de bourc / en bresse ou aleurs par messires les embassadeurs et gens du conseil dudit mon tresredoubte seigneur monseigneur le duc, et de mes tresredoubtes seigneurs messeigneurs les contes de nevers et de recel ses enfans avec les gens et embassadeurs de monseigneur le duc de bourbon entre les pais de bourgoingne charrolois / nivernois et donz’ dune part et les pais de bourbonnois forez beaujollois combraille, et la conte de sancerre dautre part bonnement et loyalment sans fraude barat ne mal engin je entretiendray et feray observer et entretenir par mes compaignons assistans a la charite / rosemont et autres places dont jay en nivernois et en donz’ la garde et gouvernement sans icelle enfraindre ne corrompre en aucune maniere ne soubz quelque couleur que ce soit, Pourveu toutesvoies que icelles abstinences parellement ne soient entretenues / sans fraude barat ne mal engin par les garnisons de saint pierre le moustier et de cenquoins et autres places desdiz pais de bourbonnois et que pendent icelles abstinences ilz ne feront ne porteront domage en quelque maniere que ce soit esdiz pais de nivernois / en donz’ ne esdictes places dont jay la garde et gouvernement En tesmoing de ce jay signe de mon saing manuel ces presentes et seellees de mon signet en labscence de mon seel le xve jour de septembre lan mil CCCC xxxi Ainsi signee P. gressart Et, pour ce que / lesdiz embassadeurs de bourbonnois doubtent que au surplus ledit pierrenet ne voulsist en aucuns autres poins entreprandre aucunes choses prejudiciables a ladicte abstinence ledit pierrenet ratiffiera ces presentes abstinences mesmement au regart de saint / pierre le moustier cenquoins le pais dauvergne et terre royaulx enclavees, lequel consentement sera envoye a madicte dame de bourbon Et aussi par les dessus diz de saint pierre le moustier cenquoins ne autres compris en ladicte abstinence ne sera fat souffert / estre fait aucune chose ou prejudice dudit pierrenet gressart ne des places quil tient par quelconque maniere que ce soit Item este’cries accorde que les mana’s et habitans des pais et terres dessus nommez ne pourront aler ne venir les uns avec les autres par / fait de marchandise ne autrement sinon par sauconduit et encoiez(?) que ce soit sans fraude barat ou mal engin et sans porter armes ne avoir entencion de porter mal domage ou nuisance esdiz pais en quelque maniere que ce soit lesquelx sauconduis se donneront de la partie de / mondit seigneur de bourgoingne par lui, son mareschal ou les conservateurs de par lui de ceste abstinence Et de la part de mesdiz seigneurs et dame de bourbon et monseigneur de clermont par mondit seigneur de clermont et les conservateurs de leur coste, Et ne sera pris ne releve pour seel et escripture de chascun / sauconduit et pour tant de personnes quilx aura chiefs en son voiage que ung salut dor pour le temps dun an et au dessoubz selong le temps desdiz sauconduis Item lesdiz treves et abstinences sont ainsi faictes et accordees a six sepmaines(?) de desdit dimanche(?) / ceste et dautre A compter du jour de la notefficacion Cestass[avoir…] les fois quel plaira(?) a A chascune desdictes parties commancer la guerre et et mectre au neant ces presentes abstinences faire le poura en desdisant icelles abstinences et le notiffiant et faisant / savoir a sa partie advise six sepmaines(?) avant quil puisse ne doie […] la guerre Et sera le dit desdit(?) fait savoir aux lieux et aux personnes conten’ esdictes p’ cedicte abstinence Cestassavoir en la chambre des comptes au lieu de dijon pour la partie de mondit seigneur de bourbon Et / en la chambre des comptes a molins en bourbon de la partie de mondit seigneur de bourgoingne Item lesdictes parties nomment et eslisent conservateurs de ladicte abstinence Cestassavoir pour mondit seigneur de bourgoingne et pour sa partie monseigneur le mareschal de bourgoingne generalment seul et pour le tout le bailli de / nivernois et ledit pierrenet gressart panetier de mondit seigneur de bourgoingne et cappitaine de la charite sur loire et chascun deulx Et pour la partie de mesdiz seigneurs et dame de bourbon et de clerment messeigneurs blain loup’ chevalier seigneur de beriiiiioir le seigneur des barres et messires philibert de / lespinace dit, cormorant bailli de beaujollois et chascun deulx Ausquelx et a chascun deulx lesdiz ambassadeurs donnent plain pouoir octorite et consentement de punir et corriger lesdictes entrefaictes(?) saucunes en sont et de congnoistre juger et determiner desdictes entrefaictes et / entreprises Comme faire se devra par raison Item, que au regart des actemptas et entreprises qui ont este faictes durant le temps et ou prejudice desdicz premieres(?) trevez et abstinences et du temps passe et dont lesdictes parties dun coste et dautre ont quis / et demande restitucion et reparacion pour raison des domages et interests quilz pretendent avoir souffers et soustenuez dun coste et dautre il est reserve ausdictes parties, et achiiiee’ dicell’ du consentmit’ desdiz ambassadeurs de en pouoir faire poursuire / en temps et en lieu et ainsi quil apartendra se bon leur semble Et sera, ceste presente presente reprise desdictes abstinences publiee notablement a soin de trompe dedans viii jours prochain es bonnes villes dun coste et dautre, et en autres lieux / ou len a acoustume en cas semblable de faire cas(?) et publicacions affin que nul de ce ne puisse pretendre aucune ingnorance Fait, et passe A bourc en bresse le xxiiiie jour de septembre lan mil CCCC xxxi Par messires philibert andrinet messire girart / de la guiche messire hugues du bois chevaliers lancelot seigneur de luirieu guiot bourgoing escuier maistres glaude rochete henry de clugny nicolas bastier et Jehan fraignot tous conselliers embassadeurs et commiss’ts dudit monseigneur de bourgoingne / ordonnes par ses lettres patentes seellees de son grant seel Et par messire philibert de lespinace dit connorant maistres oudart clepier president en bourbonnois et pierre destarmonne embassadeurs et commiss’es de madicte dame / de bourbon et de mondit seigneur de clermont par eulx et chascun deulx ordonnez par leurs lettres patentes seellees de leurs seaulx Savoir faisons que nous qui pour reverance  de dieu principalment et Apres pour / le bien des pais dessusdis et des subgiez diceulx et pour eviter et eschever les maulx domages et inconvenances qui adviennent par fait de guerre et les faire cesser esdiz pais de nostre pourir(?) Et aussi pour pluseurs autres / raisonnes causes et consideracions a ce nous mouvans voulons et desirons lentretenement des abstinences dessusdis avons pour et ou nom de mondit seigneur et pere et de nous le contenu en ladicte cedulle cy devant / incorporee, en et avons pour agreable et lavons loue et agree louons agreons et aprouvons en promectant de bonne foy lentretenir et faire entretenir de nostre coste sans lenfraindre souffrir enfraindre / ne faire ou souffrir faire par quelconque voye ou maniere que ce soit aucune chose contraire mais aincois se fait estoit le reparer ou faire reparer et y pourveoir de nostre loyal pouoir selon la forme et teneur de ladicte / cedulle cy dedans incorporee et que abonne et loyalle abstinence appartient Si donnons en mandemens Au seigneur des barres A messire blain loup seigneur de beauvoir audit bailli de beaujollois conservateurs desdictes / abstinences pour le coste de nostre dit seigneur et pere de nostredicte dame et mere et de nous a ce nommez Et a tous les cappitaines chiefs de guerre a gens darmes et de trait et a tous autres baillifs justices et officiers et subgiez / des pais de nostredit seigneur et pere de nostre dame et mere et de nous prions et requerons tous autres a qui il apartend’ et a chascun endroit soy que les poins articles et tout le contenu en la cedulle dessus dit gardent entretiengent / et observent en la mectant a execucion en ce qui requiert execucions et facent garder entretenir et observer fermement et inviolablement sans lenfraindre souffrir enfraindre ne faire ne souffrir faire / en quelque maniere que ce puist estre aucune chose a lencontre Et ce que fait actempte ou iiiiioney seront facent chascun endroit luy’ mesmement les conservateurs dessus nommez lesquelx a ce commectons par la teneur / de ces presentes adresser reparer et tout remectre […] et deu En gardant et entretenant lesdictes abstinences et lesdictes poins et articles cy dessus declairez selon le contenu diceulx Car de ce fair leur / avons donne et donner plain pouvoir M[…] command’ A tous les officiers justices et subgiez de nostre dit seigneur et per de nostre dicte dame et mere et de nous prions et requerons tous autres quil apartand’ / que a eulx et a chascun deulx et leurs com[…] faisant et les deppand’ obeissent et entendenent deligemment et pestent(?) et donnent conseil confort aide et assistance a toute / puissance se mestier est et requis en son […] et en oultre ausdictes conservateurs et a tous les seneschaulx baillis et autres justices et officiers de nostre dit seigneur et pere de nostre dicte dame et mere et / de nous, Prions et requerons auss[i…] … et officiers qui ce poura toucher et regarder que ces presentes lettres affin que lesdictes abstinences et choses cy davent declairees soient / mielx entretenues et que aucuns nen ay [… ] ingnorance publient et facent publier notablement a son de trompe et cas publiques par tous les lieulx pour le coste de nostre dit seigneur et pere / et de nostre dicte dame et mere et de nous com[…] abstinences a coustumes de faire notables cas et publicacions Aux vidimus desquelles lettres presentes faiz soubz les seaulx de nostre dit seigneur et pere et / et de nostre dicte dame et mere et de nous ou a[…] auteurques(?) pour ce que dicelles len poura avoir a faire tout a une fois en divers lieux voulons estre(?) foy adjoustee comme a ce / mesme original En tesmoing de ce nous avons fait seeller ces presentes de nostre seel Donne A sury le bois le huitiesme jour doctobre lan de grace mil CCCC trente et ung

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s