Archives de la Cote d’Or, B 11918

La Journee qui avoit este assignee Par devant messeigneurs les Contes de Nevers et de rethel au lieu de molins les engibers au iiiie jour de / Juillet, par continuation du premier jour, est continuee en tel estat et mise devant monseigneur de bourgoingne en quelque lieu quil sera en ses / pays de bourgoingne. Au xxiie jour du present mois de Juillet, Et entre deux se feront les diligence qui faire se devoient par lappointement / De mascon, dun coste et dautre, et jusques a ladicte journee, monseigneur de Clermont fera cesser de tous explois de guerre ceulx qui sont / a vitry. Aussi fera mondit seigneur de clermont cesser de fait de guerre, A lencontre de perrenet gressart et des places quil tient es pais de / Nyvernois et Donzioys, et places enclavees, ceulx des pays de bourbonnois fourestz et beauJolois, ou cas que le dit perrenet gressart et / ses gens cesseront semblablement. Et mesdiz seigneurs de Nevers et les ambaxeurs de monseigeur de Bourgoingne qui ont este a ladicte journee / feront leur loyal pouoir de faire abstenir et cesser de tous explois de guerre es pais de bourbonnois fourestz et beaujolois perrenet gressart / et ses gens estans a la charite et rosemont. Et ne feront les garnisons de Cussy et autres establies de par mesdiz seigneurs de Nevers, / aucune guerre, esdis pays de bourbonnois fourestz et beaujolois pendent le temps de la journee. Et se mondit seigneur de Clermont / vouloit continuer ladicte journee jusques au derrenier jour de Juillet, faire le pourra, en tenant les choses dessus dictes en leur estat / Dune part et dautre, comme elles devront(?) estre audit xxiie jour. Ce fu fait et appointie, en la presence de mesdiz seigneurs les Contes Par / maistre Richart de chancey president messire lourdin seigneur de saligny chevalier, guiot de Jancourt seigneur de Villarnoul / oudart de lespinace seigneur de champalement et maistre henry de Clugny Conseilliers et ambaxeurs commis et deputez pour / la partie de mondit seigneur de bourgoingne. Et messire loys seigneur des barres messire gassot de villecte chevaliers, et maistre pierre de / Carmonne Conseilliers et ambaxeurs pour la partie de mondit seigneur de Clermont, le mercredi viiie jour de Juillet Lan / mil CCCC trente et trois.

En la presence du commandement de messeigneurs les Contes / et consentement, des Ambasseurs et deputez de chascune / des parties cy dessus nommez. Signee

[signature Gaudey]

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s