Archives de la Cote d’Or, B 11918

[f. 1v]

et pour le bien prouffit et preservacion desdiz pais et subgez. [added from margin] Et relever le poures / pe… desdiz pais des / grans griefz dommaiges / et oppressions quilz ont / souffert pour le fait et occasion / desdictes guerres, et empeschier / autres inconveniens et / dommaiges immuables(?) / que seroient ou voye densuir / … ledit fait de guerre [end addition] Ayons par bonne / et meure deliberacion de conseil et a pluseurs journees sur ce tenues / entre noz gens et ambaxeurs, et ceulx de nostredit frere, par le moien des gens / et ambaxeurs de nostre treschier et tresame oncle le duc de savoye, et de nostre treschier / et ame cousin le prince de piemont gouverneur de savoye, qui y ont este prins / et eux emploiez en ces matia’ comme mediateurs. Consenti fait passe / et arreste certains appointements, traictiez et accords ensemble, declaronz / plusaplain es lettres patentes sur ce faictes, Et entre autres choses, que / pour le temps savenir se feront et fermeront, entre nostredit frere et nous / bonnes et seures abstinences A Desdit de certain temps, par toutes / les meilleurs et plus seures manieres que len scauroit aviser. Savoir / faisons que nous voulans et Desirans pour lesdictes causes et consideracions / faire et acomplir de nostre part ce qui a este traictie appoinctie et accorde en / ceste partie, entre noz gens et ceulx de nostredit frere par le moien des gens / de nosdiz oncle et cousin. Avons de nostre certaine science Consenti / fait passe et arreste, et par ces presentes consentons faisons passons et arrestons / tout de nouvel Bonne loyale ferme et seure abstinece de guerre estre et / demourer doresenavant. Au Desdit de Trois mois, entre noz / pais et subgez, et autres de nostre part cy apres declairiez, et ceulx de nostredit / frere de bourbon, et autres qui pour son parti seront semblablement cy dessoiez(?) declarez / Cestassavoir entre noz pais et subgez de nosdiz duchie et Conte de bourgoingne / charrolois, Nivernois et Baronnie de Donzy, et les villes forteresses / et lieux royaulx, et autres dedans enclavez dune part. reserve toutesvoies / les places de la charite sur loire, Rosemont, marcigny les nonnains / et autres villes places et forteresses que tiennent et occupent de present perrenet / gressart, et francois larragonnois. Au regart desquelles, Et / premierement touchant la ville et place de marcigny les nonnains, Nous / ferons nostre loyal pouoir et toute diligence De lavoir en noz / mains pour la tenir en abstinence Et quant aux autres villes places / et forteresses que tiennent lesdiz perrenet et francois, ferons aussi toute / diligence, et nostre loyal devoir, a ce quelles puissent estre remises / ou aumoins(?) comprises esdictes abstinences. En Induisant et faisant Induire / lesdiz perrenet et francois si avant que pourrions bonn’ que ainsi le vueillent / consentre. Et du coste de nostredit frere de bourbon, les Duchiez de

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s