Archives de la Cote d’Or, B 11918

[f. 2]

Bourbonnois et dauvergne, Contez de forez et seigneuries de beauJeu / tant ou royaume que en lempire Chastelchinon et Combraille appartenant / a icelui nostre frere de bourbon, et les villes forteresses et lieux / de royaulte et autres dedans iceulx enclavez. Avec le pais du / daulphine de viennois Contez et ville, Seneschaulrie et pais / de lyonnois villes forteresses et lieux enclavez en iceulx dautre part / Tous lesquelz pais et enclavemens, nostredit frere, tant en son nom prive / comme aussi lieutenant esdit marches et soy faisant fort en ceste partie / pour charles soy disant roy de france nostre adversaire. Comprent / de son coste esdictes presentes abstinences. Reserve aussi de la part de / nostredit frere de bourbon, les villes places et forteresses de saint pierre / le moustier, Cenquoins, la ferte chauderon et chastelneuf. Au / regart desquelles nostredit frere ou nom dessusdit, fera pareillement son / loyal pouoir et toute diligence, a ce quelles puissent estre remises / ou au moins compreses esdictes abstinences. En Induisant et faisant Induire / ceulx que tiennent et occuppent icelles places, si avant quil pourra / bonnement(?) a ce que ainsi le vueillent consentir. Et aussi du coste / de nostredit frere de bourbon, et de nostre consentement, oultre et pardessus / les pais terres et seigneuries dessus declarees de sa part sont et seront / comprises en ces presentes abstinences la Conte de sancerre, et les places / et terres de …cully Charpignon, et la Baronnie de montfaulcon / Par telle condicion que sil plaist a nostredit frere oster icelle conte terres / et baronnie de sancerre Vailly charpignon et montfaulcon desdictes abstinences / faire le pourra toutes les fois quil lui plaira decy au premier Jour de mars / prouchain venant Pourveu que sondit plaisir et voulente sur ce Il signiffie et face / scavoir par ses lettres patentes en nostre ville de Dijon, a noz amez et / feaulx les gens de noz comptes Illecques quinze jours devant, ouquel / cas, apres les quinze Jours passez de ladicte signifficacion et presentacion / desdictes lettres, Icelle conte terres et baronnie de sancerre Vailly charpignon / et montfaulcon seront hors de sesdictes abstinences. Mais au surplus Icelles / presentes abstinences seront et demourront ce non obstant entieres et en leur / force et vigueur. Au regart de tous les pais terres et seigneuries qui y / sont nommez et declairez cy dessus dune partie et dautre. Et voulons / et nous plaist endroit nous Par ainsi que du coste de nostredit frere de bourbon / se face semblablement, que des maintenant et decy en avant A compter du jour / de la publicacion dont cy apres en la fin de ces presentes sera faicte mencion

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s