[f. 3v]
sembles, et sans avoir entencion de porter mal dommaige ou nuisance / esdiz pais en quelque maniere que ce soit, lesquelz saufconduiz Cestassavoir / les generaulx se donneront de nostre part par nous et par nostre treschier / et tresame nepveu Charles Conte de nevers et de rethel que ordonnons / conservatuer general de par nous de ces presentes abstinences, qui seront valables / generalment par tout, ou par les conservateurs particuliers que y ordonnerons et / nommerons cy apres. Cestassavoir par chascun diceulx conservateurs es termes / et limites de son office, et des lieux esquelz Il aura charge de par nous / de ladicte conservacion. Et de la part de nostredit frere de bourbon par icelui / nostre frere, et par nostre cousin le Conte de monpancier son frere, conservateur / general de sa part desdictes abstinences, qui seront valables semblablement par / tout, ou par les conservateurs particuliers de par lui de ces presentes abstinences / Cestassavoir par chascun diceulx conservateurs, es termes et limites de son office / et des lieux esquelz Ilz auront charge de par icelui nostre frere de / ladicte conservacion. Et ne sera pris ne leve pour seel et escripture de / chascun saufconduit Dune part ne dautre que ung franc, au regart des / saufconduiz qui se donront par nous et nostredit nepveu, le Conte de nevers / et par nostredit frere et nostredit cousin le conte de montpensier son frere / Et demi franc pour chascun saufconduit qui se baillera par lesdiz particuliers / conservateurs, soit que lesdiz saufconduiz soient Impetrez pour une personne / ou pour pluseurs, et a brief ou a long termes, et sans y faire quant a ce / point dautre difference. Item et que lesdictes presentes abstinences sont / ainsi faictes passees et accordees A Trois mois de desdit dun coste / et dautre comme dit est dessus. A Compter du jour de la notifficacion / Cestassavoir que toutes les fois quil plaira a nous, ou a nostre dit frere / commencier la guerre, et mectre au neant ces presentes abstinences, faire le / pourrons, En desdisant icelles, et le notiffiant et faisant stan’ lun a lautre / par lesdiz tois mois avant quilz puissent ne doyent commencier la guerre / Et sera ledit desdit fait asscavoir de la part de nostre frere de bourbon, en la / chambre de noz comptes a dijon, Et de nostre part en la chambre des / comptes de nostredit frere a molins en bourbonnois. Item et que de / nostrepart nous avons nommez et esleuz, nommons et eslisons conservateurs de ces / presentes abstinences, Cestassavoir conservateur general, mez trechier et tresame nepveu / Charles Conte de nevers et de rethel, Et conservateurs particuliers noz bailliz / Dostun de Chalon de mascon daut’…e, et les bailliz de [Ch]arrolois et / de nivernois chascun diceulx bailliz es termes de son office et baillaige
Middle French Transcriptions 