Archives de la Cote d’Or, B 296

img_1244.jpg

Marguerite Duchesse de bourgoingne Contesse de flandres dartois et de Bourgoingne Palatine dame de Salnis et de / malines. Et phelippe duc Conte et Seigneur des pais et lieux dessus diz A tous ceulx qui ces lettres verront salut. Comme nagueres apres le trespas de feu nostre / tresredoubte seigneur Jehan duc Conte et Seigneur diceulx pais et lieux Seigneur et mary de nous marguerite et pere de nous phelippe Aucuns de noz gens et serviteurs commis / et deputez a ce de par nous aient este ensamble pour aviser accorder et appointier, Sur ce qui estoit a faire entre nous a cause du douaire de nous marguerite qui est et doit estre / de treze mille livres de rente dont nous devons estre douee come plusaplain est contenu es lettres sur ce faictes, Savoir faisons que nous qui voulons et desirons / proceder lun avecques lautre deoubcement et amiablement comme faire se doit entre mere et filz. Avons este et sommes en ceste partie daccort en la maniere qui Sensuit / Cestassavoir que nous phelippe avons assis et assigne asseons et assignons par ces presentes a nostre dicte dame et mere sondit douaire de xiiim livres tournois de rente / en la forme cy apres declairee Premierement Sur noz ville Chastel et Chastellenie bailliaige appartenances et appendences de leus en artois quatre mille livres, ledit / Chastel prins sans prisie Item trois mille sept cens dixneuf livres tournois Sur les rentes et revenues de nostre Saulnerie de Salnis qui lui seront bailliez et paiez / par la main de nostre tresorier dicelle saulnerie a deux termes de lan cestassavoir la moitie a la miaoust, Et lautre moitie a la Chandeleur a commancier le premier terme / a la miaoust prouchaine. Item quatorze cens frans sur les rentes et emolumens de noz foires froides et chaudes de Chalon quelle recevra par la main de nostre receveur / dillec le premier terme commancant a la prouchaine foire chaude. Et pour le surplus montant a trois mille huit cens quatrevins une livre tournois lui avons baillie et baillons / par ce presentes pour le parpaiement de lassignal de sondit douaire les parties de noz prevostez et Chastellenies qui sensuignent. Premierement la revenue de nostre prevoste et autres / rentes ordinaires de nostre ville dauxonne excepte la composicion des aydes que nous doivent les habitans dudit lieu dauxonne icelles rentes en la valeur de huit cens vint une livre / tournois. Item les revenues tant ordinaires comme en gruerie de noz chastellenies de Germoles et de Montagu en la valeur de quatrecens livres tournois. Item la revenue / de nostre chastellenie de verdun tant en ordinaire comme en gruerie en la valeur de unze cens quatre vins livres tournois. Item les revenues des villes et chastellenies de Montreal / et Chastel girart comprins le prevostez et gruerie pour la somme de Six cens quatrevins livres tournois Et la revenue de noz chastellenies de viezchastel, et de Saint / romain comprins ens la gruerie desdictes chastellenies pour la somme de huit cens livres tournois ensamble la justice haulte moyenne et basse desdiz Chastellenies, bois prez estangs / rivieres hommes et femmes Maisons, manoirs fours molins, et autres heritaiges diceulx lieux appartenans esdiz chastellenies et receptes, et que nous noz gens et officiers avoient / et recevoient pour et en nom de nous par avant la date de ces presentes Pour en joyr comme dame douairiere puet et doit faire sauf et reserve a nous les fiez collacions de benefices / la garde des eglises desdictes villes et Chastellenies Et aussy les aydes qui ont et auront cours en icelles, les capitaines desquelles qui seront noz vassaulx et subgez et / de noz pais seront tenuz de nous faire seremens que les villes Chasteaulx et forteresses desdiz lieux ilz garderont bien et loyaulment a lonneur et proffit de nostredicte dame et mere et de / nous aussy, et quilz les bailleront et delivreront a nous ou a noz hoirs apres le decez de nostredicte dame et mere laquelle sera tenue de soustenir lesdictes villes Chasteaulx /

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s