Archives de la Cote d’Or, B 296

Consingnons les parties du giet et Impots fait a salnis les xv / xvi et xviie jours de fevrier lan mil iiiic xxiii Sur les gens / deglise bourgeois et habitans des bonnes villes villes et du plat / pays du conte de bourgoingne de la somme de dix mille frans par / eulx estans a dijon ou mois de janvier darrenier passe mandez et / assamblez par devant monseigneur le duc et conte de bourgoingne liberalment / octroyez a mondit seigneur pour lui subvenir et aydier a supporter les grans / f[r]aix et charges par lui soubstenuz Tant pour les fraiz et acatise / des mariages de ses treschieres et tresamees suers les duchesses de / guyenne et de bedfort, come pour la seurte et deffence de son pays / de bourgoingne Et aussy les fraiz de la convencion par lui darienierement / faicte en sa ville de chalon avec son treschier et tresame oncle le duc / de savoye Tout au bien de ses pays et subgiez et mesmement / a lui en venir darrenierement de ses pays de flandres et dartois en / sondit pays de bourgoingne a la requeste de ses subgiez en ycellui. A icelle / somme lever sur lesdictes gens sur tous ceulx qui autresfois au temps / de feux messeigneurs les ducz Philippe grant pere et Jehan de bourgoingne pere de / mondit seigneur de telles et semblables aydes a eulx faictes le temps passe et / mesmement de layde fait a mondit seigneur pour son joyeux advenement / et nouvelle seignorie en sondit conte de bourgoingne Et aussi du darrenier / ayde a lui fait lan passee de semblable somme pour le fait de lagne(?) / ont este Imposez et ont paie, ledit giet et Impost fait par reverens peres / en dieu les abbez de saint pol de besancon et de grelles maistres / estienne arminier et estienne bazan clercs licencies es lois / conseilliers de mondit seigneur. Jehan de montagu de salnis et Jehan branch / de gray appelle avec eulx Jehan de martigny lieutenant du bailli / daval a ce esleuz et nommez par grant partie desdictes gens pour ce venuz / et estans assemblez audit Salnis ledit xve jour de fevrier / ou estoient reverends peres en dieu messeigneurs […]

[f. 1v]

de goilles de mombenoit de baberne et de rosieres les prieurs / de chastel sur salnis de jouhe de saint marcel de monstont / lez traire et autres, maistre lyon de nozeroy doyen de leglise / de besancon messire nicolas de vouclans messire thibault domo / et maistre Jehan de chastenay chanoynes de leglise de / besancon, messire pierre de villes chanoine de saint anathoille / de Salnis messire Jehan de verieul chanoine de nostre dame / darmois et pluseurs bourgeoiz et habitans desdictes villes / dudit conte de bourgoingne apres la lecture a eulx faicte de certaines / lettres patentes de mondit seigneur et par vertu dicelles lesquelles lettres / sont cy apres Incorporees et escriptes appellez pour mondit seigneur avec eulx / au faire ledit impost Jehan caiondelet(?) lieutenant du pardessus / des officiers de la salnerie de salnis les tresoriers de dole et de / vesoul et guiot aubry receveur de poligny

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s