Archives de la Cote d’Or, B 11900

ce que par eulz sera appointtie conclud fait et passe. Et de nous obligier et noz biens, de les faire tenir et acomplir, par nous et noz successeurs. Et generalment de faire besoingnier conclure et appointier es choses devant dictes et es / dependences dicelles, tout autant et ainsi amplement, que nous mesmes ferions et faire pourrions en nostre personne se presens y estions. Ja soit ce que la chose requeist, mandement plus especial, et sur tout bailliez leur lettres Lesquelles et tout ce que / promis consenti fait besoingnie conclud et appointtie auront ou nom de nous et de par nous touchant icelles choses aurons aggreables, et des maintenant pour lors les ratiffions approuvons auttorisons et confermons. Et prommetons en parole de roy et soubz lobligacion de tous / noz biens et de noz successeurs, les avoir garder et tenir fermes et estables a tousjours, comme se par nous estoient faictes. Et en baillies sur ce noz lettres confirmatoires, sans jamais aler faire ne venir au contraire, en quelque maniere que ce soit. En tesmoing / de ce nous avons fait mettre nostre seel a ces presentes. Donne a Amboise le vie jour de juillet, Lan de grace mil CCCC trente et Cinq et de nostre regne le treiziesme Ainsi signee par le roy en son grant conseil Alain(?). Savoir faisons A tous ceulx / qui ces presentes lettres verront et orront, que comme par lordonnance et commandement du roy nostredit seigneur soyons venuz en la ville darras A la convencion y accorder tenir pour le fait de la paix general de ce royaume et illec comparus pour et en nom du roy Par devant tresreverends / et reverends peres en dieu et venerables personnes monseigneur le Cardinal de saincte croix legat de nostre saint pere le pape, monseigneur le Cardinal de Chippre, levesque de becsonne, le prevost de Cracoin, et larcediacre de metz, legatz et ambaxeurs du saint concile de / Basle pour appaisement dudit royaume Par devant lesquelz soient aussi comparus les ambaxeurs de la part dangleterre. Et dautrepart y a este et si est comparu en personne toutes les foiz que besoing a este hault et puissant prince monseigneur le duc de bourgoingne, et tant / ait este precede que pluseurs oblacions et ouvertures aient este faittes a diverses foiz et par pluseurs journees. En la presence de mesdis seigneurs les cardinaulx et autres ambaxeurs du saint concile, tant par nous de la par du roy Comme par les ambaxeurs de la part dangleterre / Afin de parvenir a paix general et final en cedit royaume. En especial par nous de la part du roy. Aient finablement este faictes certaines oblacions et couvertures(?), et soubz certaines protestacions condicions et modifficacions justes et raisonnables afin de provenir audit bien de paix / lesquelles par lesdiz ambaxeurs de la part dangleterre nont point este acceptees et les ont refusees Combien que de les accepter. Aient este par lesdiz legaz et ambaxeurs de nostre saint pere et du concile requis et exortez tresinstamment. Ains sen sont iceulx / ambaxeurs dangleterre alez et departez de ladicte convencion et ville darras, sans vouloir de leur part plusavant proceder ou fait de ladicte paix, ne prandre et accepter terme et delay raisonnable et certain dy retourner pour accepter ou refuser lesdictes oblacions et ouvertures / Apres que ce pendant ilz auroient eu conseil et advis avec ceulx du royaume dangleterre que bon leur sembleroit. Et seulement se sont voulu chargier de rapporter en angleterre lesdictes oblacions et ouvertures qui baillees leur seroient par escript. Pour apres en estre / faicte response par le roy telle et a tel temps quil lui plairoit. Sans autrement ne plus avant eulx vouloir chargier fors que destre bons messaiges, ainsi quilz ont dit, qui semble choses assez desraisonnes et bien voluntaire de leur coste. Et neantmoins depuis / leur partement par lesdiz tresreverends peres en dieu, messeigneurs les Cardinaulx et les autres ambaxeurs dudit saint concile. Et aussi par mondit seigneur de bourgoingne. Ayons este requis tresinstamment que non obstant ce que dit est, et le protement(?) desdiz ambaxeurs /

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s