Archives de la Cote d’Or, B 11915

Par madame la duchesse / a la relacion de monseigneur le / bailli de fourez le conseil / present / [signature Soissons]

A Tous ceulx qui verront ces presentes lettres Jehan marchant licencie en loys conseiller de monseigneur le duc, et Garde des seaulx de la chancellerie de sa duchie de Bourbonnoys salut en nostreseigneur Savoir faisons que pierre / tavart, et Jaques de mel clers Jures nottaires de la Court de ladicte chancellerie et les nostres ausquelx quant ad ce nous avons Commis nostre pouoir Nous ont rapporte par ces presentes eulx avoir leu de mot en mot / vues lettres saines et entieres cellees si Comme de prime face appert a double queue en seaulx pendent et en cire vermeille des seaulx de noblez hommes messire Jaques de Cortiembles seigneur de Commurrain et / de messire Jehan seigneur de Chastel moraue et signe en marge des seings manuelx desdiz Cortiembles et Chastelmorant, et de messire phelibert seigneur de saint ligier huguenin seigneur de monjeux messire estienne / seigneur de norry et messire robert de vaudat, desquelles la teneur sensuit. Comme pour entretenir en paix et transquilite la bonne affinite et prochanete qui longuement a este est et sera si dieu plet Entre les / pais des duchiez et conte de bourgoigne, conte de Charroloys dune part, Et des duchie de bourbonnoys Conte de fourez et seignories de beaujeuloys de Chastelchinon et de combraille dautrepart Et pour obvier / aux dommaiges et inconveniens qui pourroient sourdre(?) et survenir esdiz paiz pour occasion des mermuremens de guerre parolles ameuses(?) et desplaisans qui Chasque jour se metre(?) en diverses manieres soubz / coleur du temps dangereux qui regne ou autrement par aucuns turbateurs de paix heritans desdiz paiz ait este advise par noble et puissans monseigneur Guichart dauphin seigneur de Jalegny et de bonneis(?) / grant maistre dostel du roy et monseigneur loys deliscenoys(?) seigneur de montaguz et de Chasteladon(?) zelateurs du bien publique de tous lesdiz paiz, Et mediateurs en ce fet estre tenue vue joury(?) par les / Gens du conseill Chascune desdictes parties aujourduy se sont assembles nobles hommes messire Jaques de cortiembles, seigneur de Commurrain phelibert seigneur de saint ligier, Chevaliers conseillers et Chambellains / de monseigneur le duc de bourgoigne, maistre geoffroy de chosy doyen dostun, et huguenin seigneur de monjeu bailli dostun et de montenis(?) aussi conseillers dycellui seigneur pour ledit monseigneur de bourgoigne dune part / Et nobles hommes messire Jehan seigneur de Chastel morant, estienne seigneur de norry et robert de vandat, seigneur de beauregart, bailli de bourbonnois, Chevaliers et hambellans de monseigneur le duc de bourbonnois Et / maistre pierre de choulon conseiller et president en la Chambre des Comptes dycellui seigneur, pour la partie madame la duchesse de bourbonnois, Contesse de fourez et dame de beajeu et pour mondit seigneur le duc de / bourbonnois son filz, et leurs pais dessusdiz dautre part, Lesquelx conseillers dessus nommes prenans en main et eulx faisans fort, de tout leur loyal pouoir sanz mal engien par la foy et seremens de leurs Corps / pour les seigneur et dame, paiz et subgez, pour lesquelx ilz conduisent ce present trattie, Ont accorde et convenuez Les choses qui sensuivent Cestassavoir les conseillers de monseigneur le duc de bourgoigne dessus nommes / en nom et prenans en main comme dessus ont accorde paix et ycelle estre entretenue fermement et a … de guerre et de tous debbat et discencion tant de fet que de parolle desdiz paiz du duchie et conte de / bourgoigne et conte de Charroloys et des subjez et habitans dyceulx au regart, en tant comme touche lesdiz pais de bouronnois fourrez beaujeuloys Chastel chinon et combraille et des subgiez et habitans dyceulx / eulx estans Cus(?) et dedans les mettez desdiz paiz et que aucun dommaiges ne sera porte desdiz paiz duchie et conte de bourgoigne et de Charroloys aux pais et duchie de bourbonnois Conte de fourez et seignories de beaujeu / Chastel chinon et combraille dessus nommes et que sil avient que aucun veuillent passer par lesdiz duchie et conte de bourgoigne et de Charroloys pour tenir et po… dommaige, esdiz paiz de bourbonnois fourez beajeus /

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s