Archives de la Cote d’Or, B 11915

Chastelchinon et combraille ou a aucun dyceulx que lesdiz conseillers de mondit seigneur de bourgoigne saichent ou presument Ilz les nottiffieront ou feront savoir avant les Cas, advenir et le plus toust quilz / pourront, ausdiz pais et subiez de bourbonnois fourez beaujeuloys Chastelchinon et combraille ou a ycellui deulx a qui len presumera vouloir estre porte dommaige Et avec ce de tout leur pouoir contre ce … / et empescheront ledit passaige et que ledit dommaige ne soit fet, Pareillement les conseillers de mondit seigneur le duc de bourbonnois, dessus nommes en nom et prenans en main comme dessus ont accorde paix et ycell… / estre entretenue fermement et ascurance de guerre et de tous debbas et discencions tant de fet que de parolle dediz pais de bourbonnois fourez beaujeuloys ChastelChinon et combraille et des subiez et habitans / dyceulx au regart et en tant que touche lesdiz pais duchie et conte de bourgoigne, de Charroloys et des subiez et habitans dyceulx eulx estans Cus et dedans les mettes desdiz paiz. Et que aucun dommaige / ne sera porte desdiz pais de bourbonnois fourez beaujeuloys ChastelChinon et combraille ausdiz paiz duchie et conte de bourgoigne Et de Charroloys Et sil avient que aucun veuille passer par lesdiz paiz de bourbonnois / fourez beaujeuloys Chastelchinon et combraille pour tenir et pourter dommaige esdiz paiz de bourgoigne et de Charroloys ou a aucun dyceulx que lesdiz conseillers de monseigneur Le duc de bourbonnois saichent et presument / Ilz le nottiffieront ou feront assavoir avant le Cas avenir et le plus tost quilz pourriont ausdiz pais et subiez de bourgoigne et de Charroloys ou a ycellui deulx a qui len presumera vouloir estre porte / dommaige avant le Cas avenu Et avec ce de tout leur pouoir contresceront(?) et empescheront ledit passaige et que ledit dommaige ne soit fait Et pour mieulx entretenir les paix et ab[s]tenence de guerre / de debbas et discencions dont dessus est parle a este appoinctie que les bailliz dauxais dostun de chalon et de Charroloys ou leurs lieuxtenans pour lesdiz paix deuchie et conte de bourgoigne et conte de Charrolois / et les baillis de bourbonnois fourez beaujeuloys Chastelchinon et combraille ou leurs lieuxtenans pour lesdiz paiz Chascun es mettes de sa jurisdicion et autrepart esdiz paiz seront conservateurs desdittes paiz et / abstinance de guerre debbas et discencions dont dessus est parle, Lesquelx conservateurs saucune Chose est offensee ou faicte a lencontre de ce present traictie feront si avant telle et si astive justice Chascun en ses d… / mettes des violeurs et mespreneurs en ce, tant en faisant faire sattisfacion a partie blecie comme autrement ainsi que le Cas le requerra, Et sil avient que mondit seigneur le duc de bourgoigne par le commandement du roy / ou autrement soit ou temps advenir en propoux et voulente de faire ou souffrir estre faicte guerre de ses diz paiz duchie et conte de bourgoigne et conte de Charroloys ou pais de bourbonnois fourez beaujeuloys Chastel / chinon et combraille dessusdiz Ou pareillement mondit seigneur le duc de bourbonnois ou madicte dame sa mere par le commandement du roy ou autrement soit ou temps advenir en propoux ou voulente de fere ou souffrir estre faicte /

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s