Archives de la Cote d’Or, B 11915

Marie de berry Duchesse de Bourbonnois et dauvergne Contesse de Clermont de forez de montpancier et dame de beaujeu Ayant pouoir de monseigneur / A noz Seneschal et baillis de bourbonnois forez beaujeuloys Chastelchinon et combraille ou a leurs lieuxtenans salut. Comme par noz commis et depputez et par / les commis et depputez de nostre treschier et tresame cousin le duc de bourgoigne Conte de flandres darroys et de bourgoigne ait este faicte tractee et / accordee certaines abstinence de voye de fait entre nosdiz pais de bourbonnois forez et beaujeuloys Chastelchinon et combraille dune part, Et les pais de / Bourgoigne et charroloys dautre, comme plusaplain est contenu es lettres patentes de confirmacion de nostredit cousin et de nous Et il soit ainsi que la dicte / abstinence ait este depuis lors jusques a present petitement entretenue ou au moins aient este faictes pluseurs entreprises et actemptas dung coste et dautres / par divers moyens laquelle chose a tourne ou tresgrant dommaige des pays et subgiez dune partie et dautre Pour ce est il que nous considerans / les grans mervemens(?) et dommaiges qui adviennent par guerres et les grans biens qui pourront ensuit par le moyen de ladicte abstinence selle estoie / bien entretenir entre lesdiz pais qui sont voisins, voulons et expressement vous mandons et a chascun de vous qui sur ce requis serez en commettant / si mestier est par ces presentes que ladicte abstinence et voye de fait vous remettes sus et la faictes de nouvel crier et publier en tous les lieux de voz offices / qui sera expedient, et la gardes ou faictes garder entretenir et observer selong sa forme et teneur, sanz faire ne venir ne souffrir faire ou venir par / nosdiz pais et subgiez aucunement au contraire mais la deffendes ou faictes deffendre par cris publiques et sur telz paines que au cas appartient / En pugnissant les transgresseurs si aucun en y a selon lexigence du delit tellement quil en soit example a[ au]tres. Et avecques ce faictes reparer / tant ce qui a este fait et actempte du coste de par deca selon le contenu de ladicte abstinence saucune chose y a este actemptee depuis ladicte confirmacion dicelles / Pourveu que […] tout et par tout soit pareillement fait du coste de nostredit cousin pour sesdiz pais et subgiez de bourgoigne et charroloys, et quil bailliera ses / lettres pareilles, a cestes en effect et substance pour lentretenement et observacion de ladicte abstinence. De ce faire(?) vous donnons pouoir auctorite et mandement / especial au vidimus desquelles fait soubz nostre seel voulons estre foy adjoustee comme a ce present original. Mandens et commandons a tous noz justiciers / officiers et subgiez, que a vous en ce faisant obeissant et entendent diligemment. Donne A molins soubz nostre seel le xxe jour de mars lan mil / CCCC vint ung

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s