Archives de la Cote d’Or, B 1623

[f. 110]

gens et de Chevaulx tant pour lonneur de mondit seigneur comme pour sa seurte / quil ne fait quant il a accoustume de chevauchier par les pays / de mondit seigneur, lesquelx iii frans par jour montent pour lesdiz xvii / jours A ladicte somme de li frans. Pour ce paie a lui par vertu / desdictes lettres veriffees au doz par jehan de noident sur ledit fraignot / cy rendues ensamble quictance dudit chevalier par la quelle il afferme / en sa conscience lesdiz xvii jours avour vacquez oudit voiaige / en la maniere que declairee est cy dessuz et pour ladicte cause

Audit messire jaques la somme de quatre vins seize frans qui / deuz lui estoient pour xxxii jours entiers commencant le xxviie jour / de septembre mil cccc xxiii quil se parti par lordonnance de mondit seigneur / pour aler avec et en la compaignie de messire guy damanges chevalier / bailli dadmont et maistre guy gelenier en ambaxade de par mondit seigneur / devers madicte dame dosteriche A angezan en allemaigne et finissant / le xxviiie jour doctobre ensuiant, tant en alant besoignant sejournant comme / en retournant devers mondit seigneur, ledit messire jaques a vacque / par lesdiz xxxii jours entiers. Pour chascun desquelx jours mondit seigneur / par ses lettres patentes donnees a dijon le xxxe jour dottobre mil cccc xxiii / lui a ordonne et tauxe la somme de iii frans monnoie courant qui montent / ensemble a ladicte somme de iiiixx xvi frans. Pour ce paie a lui par / vertu desdictes lettres veriffiees au doz par jehan de noident sur ledit / fraignot, cy rendues ensamble quictance dudit messire jaques / par la quelle il afferme en sa conscience avoir vacque par / lesdiz xxxii jours oudit voiaige pour la cause que dessuz / et aussi quil na point este compte ne prins gaiges ou livres(?) / par les escroes de la despense de lostel de mondit seigneur, escripte au doz / desdictes lettres et requise par icelles

A lui Et A maistre richart de Chancey bailli de dijon la [f. 110v] Somme de soixante neuf frans qui deue leur estoit par mondit seigneur pour / ung voiaige quilz ont fait a beaufort devers madame dosteriche / Cestassavoir audit messire jaques de villers xlv frans pour xv jours quil / a vacquez oudit voiaige des le xixe jour de fevrier mil cccc xxii quil partit / de son hostel jusques au ve jour de mars ensuiant incluz en alant demourant / sejournant et retournant, qui font en tout lesdiz xv jours entiers, pour / chascun desquelx jours mondit seigneur par ses lettres patentes donnees le derrenier jour / davril mil cccc xxiii lui a tauxe iii frans monnoie courant. Et audit maistre / richart xxiiii frans pour xii jours quil a semblablement vacquez oudit voiaige / avec ledit messire jaques Cestassavoir des le xxie jour dudit mois de fevrier / jusques au iiiie jour dudit mois de mars ensuiant incluz qui font lesdiz xii / jours entiers, alant venant sejournant et retournant. Pour chascun / desquelx jours mondit seigneur lui a semblablement tauxe par icelles mesmes / lettres deux frans [interline] oultre et par dessus ses gaiges ordinaires [end interline] qui est icelle somme de xxiiii frans Montent lesdiz / deux parties en tout ladicte somme de lxix frans, oultre et pardessus les / gaiges ordinaires dudit bailli. Pour ce paie a eulx par vertu desdictes / lettres veriffiees au doz par jehan de noident sur ledit fraignot cy rendues / ensamble deux quictances des dessusdiz chascun de sa porcion contenant affermacion / davoir vacque oudit voiaige par les jours pour les causes et en la / maniere dessus declairees requises par lesdictes lettres

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s