Archives de la Cote d’Or, B 1623

f. 114v

A jaques de la viezville conseillier et chambellan de mondit seigneur / jehan de quiellant eschancon dicellui seigneur Et A Symonnet de sauville / chevaucheur de son escuerie, la somme de Cinquante quatre frans / laquelle par le commandement et ordonnance de mondit seigneur et par ses lettres / patentes donnees le xxvie jour de fevrier lan mil cccc xxii A este paiee / Cestassavoir Audit jaques xxx frans Audit de quiellant xx frans / Et audit Symonnet iiii frans En prest a eulx fait Sur leurs / voiaiges ou ambaxades davoir este par lordonnance de monseigneur le chancellier / et des gens du conseil de mondit seigneur a dijon, dudit lieu de dijon / A troyes en entencion de illec trouver le duc de bethfort que len disoit / venir audit lieu de troyes pour le fait du mariaige de lui et de / ma damoiselle anne de bourgoingne pour parler audit duc de bethfort / Sur certaines choses touchans le fait dudit mariaige, laquelle somme / de liiii frans mondit seigneur mande par sesdictes lettres quelle soit allouee es / comptes dudit jehan fraignot par rapportant icelles et quictances / des dessusdiz chascun de sa part et porcion seulement. Pour ce et / rend cy lesdictes lettres ensamble trois quictances des dessusdiz chascun de sadicte porcion

f. 115v

A guillaume de neufville dit le moyne escuier descuerie / de mondit seigneur, la somme de soixante frans qui deue lui estoit pour / ung voiaige par lui fait par lordonnance et commandement de mondit seigneur [f. 116] de paris dont il partit de devers mondit seigneur le xixe jour de Septembre / mil cccc xxii jusques en bourgoingne par devers madame la duchesse / madame de guienne et monseigneur de savoye, pour aucunes tresgrandes / matieres touchans mondit seigneur et ses affaires, dont il ne vuelt plusample / declaracion estre cy faicte et pour cause. Pour ce par mandement de / mondit seigneur donne a dijon le viiie jour de fevrier mil cccc xxii Par / lequel il mande ladicte somme estre allouee es comptes dudit / fraignot Non obstant que du nombre des jours quil a vacquez / oudit voiaige ne aussi de la tauxe diceulx autrement nappare(?) / cy rendu et quictance dudit guillaume

f. 116v

Audit messire jaques de courtiambles la Somme de trente six frans qui / deuz lui estoient pour ung voiaige par lui fait de dijon a troyes par / lordonnance et commandement de mondit seigneur pour conduire et acompaignier / madame la duchesse de bethfort seur de mondit seigneur dudit dijon / audit troyes pour la solemnizacion et acomplissement du mariaige du / duc de bethfort et delle. Pour laquelle cause ledit seigneur de commerrien / vint audit lieu de dijon le vie jour de may m cccc xxiii et arriva avec / madame de bethfort audit troyes le xiie jour dudit mois ou il demeura / iiii jours. Et dillec sen partit en la compaignie de monseigneur le chancellier / le xvie jour dicellui mois de mai, et le xviiie jour ensuiant arriva en / son hostel de commerrien de son retour dudit voiaige. Ainsi en [f. 117] icellui voiaige faisant A vacque xii jours entiers. Pour chascun desquelx / jours mondit seigneur par ses lettres patentes donnees a dijon le xe jour daoust oudit / an mil cccc xxii lui a ordonne et tauxe prendre et avoir de lui trois / frans, qui montent ensamble a ladicte somme de xxxvi frans. Pour ce / paie A lui par vertu desdictes lettres veriffiees au doz par jehan de / noident sur ledit fraignot cy rendues ensamble quictance dudit seigneur / de commerrien par laquelle il afferme en sa conscience avoir continuellement / vacque durant le temps pour ladicte cause et par la maniere que / dessus requise par lesdictes lettres

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s