Archives de la Cote d’Or, B 1623

f. 121v

A messire regnier pot chevalier conseillier et chambellan de mondit seigneur / la somme de sept vins quatre frans qui deuz lui estoient pour / ung voiaige par lui fait de lordonnance de mondit seigneur des la ville / damiens en bourgoingne devers madame la duchesse de guienne pour / le fait et traictie du mariaige delle et de monseigneur dartuz de / bretainne duc de thoraine et conte de richemont ou mondit seigneur / lavoit envoie avec certains ambaxadeurs dudit monseigneur artuz / qui semblablement aloient devers madicte dame pour ladicte matiere / Ou quel voiaige faisant tant en alant devers madicte dame / et y demeurant sejournant et esoignant comme en soy retournant / en son hostel de la roiche de nolay ledit messire regnier / vacqua par lespasse de xxxvi jours entiers et continuelz / commancant le xviiie jour davril cccc xxiii quil partit dudit / lieu damiens de devers mondit seigneur qui y estoient et fenissans / le xxiiiie jour de may ensuiant Pour chasccun desquelx xxxvi / mondit seigneur par ses lettres patentes donnees A dijon le iie jour de [f. 122] juing oudit an lui a ordonne et tauxe pour les causes et / consideracions contenues esdictes lettres prendre et avoir de lui / la somme de iiii frans qui montent en tout a ladicte somme / de viixx iiii frans Pour ce paie a lui par vertu desdictes lettres veriffiees au doz par jehan de noident sur ledit fraignot cy / rendues avec quictance dudit messire regnier par laquelle / il afferme en sa conscience avoir vacque durant le temps / pour la cause et en la maniere que dit est Sanz avoir este / ce pendant compte a gaiges ne prins aucune livree / par / les escroes de la despense de lostel de mondit seigneur requise / par lesdictes lettres seulement

f. 122v

A maistre Guy gelenier conseillier de mondit seigneur la somme de / soixante six frns huit groz, Que mondit seigneur lui a ordonne et / tauxe. Cestassavoir lxii frans pour xxxi jours entiers continuelz commancant / le xxviie jour de Septembre iiiic xxiii pour estre ale par lordonnance / de mondit seigneur en ambaxade Avec messire jaques de villers et [f. 123] messire guy Seigneur damenges devers la Duchesse dosteriche A / inguessen* ou pays dalemaigne pour les besoignes et affaires de monditseigneur / Et iiii frans viii gros que ledit maistre guy avoit baillies a certains / messaiges pour le fait de ladicte ambaxade. Pour ce par mandement / de mondit seigneur donne le iiiie jour de Novembre cccc xxiii veriffie / par jehan de noident Sur ledit fraignot cy rendu avec quictance / dudit maistre guy contenant assercion davoir vacque oudit voiaige / par ledit temps

* Ensisheim ville ou se tient le parlement d’Alsace [Note du 17e?]

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s