Archives de la Cote d’Or, B 1623

f. 139

A amiot Noppe valet de Chambre et garde des joyaulx de / mondit seigneur pour et en nom de ysabeau de lotteville sa femme, la / somme de Cent frans monnoie royal que mondit seigneur par ses lettres / patentes donnees a dijon le xiiie jour dottobre cccc xxiii a donne a ladicte / ysabeau pour une foiz, tant pour consideracion des bons et aggreables / services quelle a faiz par lespace de xviii ans A monseigneur et a / feue madame la duchesse sa femme que dieu pardoint, comme pour / elle aidier a emmasnaiger et suporter les fraiz missions et despens / que depuis le trespas de feue madicte dame la duchesse lui a convenu / faire et avoir en venant du pays de flandres es pays de par deca / Pour ce paie audit amiot ou nom que dessus par vertu desdictes lettres / veriffiees au doz par jehan de noident sur ledit fraignot cy rendues / Avec quictance dudit amiot requise par lesdictes lettres seulement

f. 143

A ma Dame marguerite de bourgoingne duchesse de guienne et de / thoraine Contesse de richemont et divry, la somme de dixsept / Cens frans pour reste de la somme de iim frans que mondit seigneur par / ses lettres patentes donnees le xxiiiie de juillet cccc xxii lui a donne / pour les causes declairees esdictes lettres Pour ce et rend cy lesdictes / lettres ensamble unes autres lettres patentes de mondit seigneur donnees viiie / jour de decembre mil cccc xxiii faisans mencion dudit don par / lesquelles mondit seigneur mande lui paier et delivre ladicte somme / a la monnoie courante a presente a six doubles pour x deniers tournois Avec quictance / de madicte dame

f. 144

A jehannete femme pierre chassot la somme de quarente frans / pour don a elle fait par mondit seigneur et par ses lettres patentes donnees le xiiiie / jour dottobre cccc xxiii et pour les causes contenues en icelles pour / ce et rend cy lesdictes lettres veriffiees par jehan de noident sur ledit / fraignot et par quictance de ladicte jehanote

f. 144v

A dame marguerite de mairey abbesse de tard labbaye de / ladre(?) de Citeaulx, la somme de dix frans, lesquelx mondit seigneur / par ses lettres patentes donnees le xiie jour de mars cccc xxi lui a ordonne [f. 145] En recompensacion de certaines parties quelle a eue en certains hairons(?) que mondit seigneur / a fait prendre et abatre qui estoient sur pluseurs noyers de ladicte abbaye, / Pour ce par vetu desdictes lettres de mondit seigneur veriffiees par jehan de noident / sur ledit fraignot cy rendues Avec quictance de ladicte dame marguerite

f. 145

A maistre anthoine gaudry secretaire de ma dame de Nevers / Cent livres tournois pour don a lui fait par mondit seigneur, tant en remuneration / des services par lui faiz a feu monseigneur le duc jehan derrenierement trespasse qui / dieu pardoint, et a mondit seigneur qui est a present, comme pour augmentation / de son mariaige, Pour ce par mandement de mondit seigneur donne xxviie / de juillet cccc xxiii veriffie au doz par jehan de noident sur / ledit fraignot cy rendu avec quictance dudit maistre anthoine

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s