Archives de la Cote d’Or, B 1623

f. 167

A andry du vernoy et A pluseurs autres la somme de trois mil Cent / trente neuf frans huiz groz sept deniers tournois pour pluseurs parties / achetees deulx et paiees, tant pour le fait de certainnes robes / Coctes simples Chapperons de draps dor de soye et de layne / faicte a dijon pour madicte dame anne de bourgoingne duchesse de / bethfort Et aussi pour madamoiselle agnez sa suer. Comme pour / achat de joyaulx vaisselle chevaulx et autres choses tout pour le / partement de madicte dame de bethfort dudit lieu de dijon pour / aler a troyes devers monseigneur de bethfort son mary estant illec / pour la consummacion et acomplissement du mariaige deulx / Lesquelles parties ont este payes ou mois de may cccc xxiii / aux personnes pour les causes et en la maniere contenu et ceclaire / en trois rooles de parchemin joings et cousuz ensamble Certiffies / par Jehan de quiellant escuier eschancon de mondit seigneur Pour / ce et rend cy lesdiz rooles, au dessoubz desquelx a ung mandement / de mondit seigneur donne xii daoust cccc xxiii sur ce, ensamble xlii / quictance a ce servans

f. 168

A joceran frepier conseillier de mondit seigneur La somme de douze / cens quarente frans dixhuit solz quatre deniers tournois A lui / deue pour les causes plusaplain contenues et declairees es lettres patentes / de mondit seigneur desquelles la teneur sensuit Philippe duc de bourgoingne / Conte de flandres dartoiz et de bourgoingne Palatin Seigneur de / salnis et de malines A nostre ame et feal conseillier tresorier et general / gouverneur de toutes noz finances Jehan de noident salut et dilecion / receue avons humble supplicacion de nostre ame et feal conseillier / joceron frepier jadiz conseillier tresorier et gouverneur general des / finances de feu nostre tresredoubte seigneur et pere dont dieu ait lame / Contenant que pour paier et acquicter pluseurs debtes esquelles ledit / joceran vous et autres des gens officiers et serviteurs de feu nostredit seigneur / et pere estiez des son vivant et par son ordonnance et commandement / obligies et respondans pour ses propres besoignes et affaires envers pluseurs / personnes et marchans demourans a paris en grandes sommes de deniers/ Cestassavoir A la vesve de feu jehan de neanville jadiz marchant / drappier, en la somme de iiim lviii livres tournois A michiel vullemat marchant / de lucques en neuf cens livres tournois A symonnet monart pelletier / en vic livres tournois A guillaume senesme marchant de lucques en iiic lxxv / livres tournois Et A pluseurs autres en pluseurs et diverses parties de deniers [f. 168v] vous comme receveur general dicelles finances de feu nostredit seigneur et pere enssiez de / lan mil cccc xviii baillie et delivre de lordonnance et commandement que dessuz audit / joceran frepier pour acquicter les devantdictes debtes pluseurs descharges / et obligacions faictes et levees sur pluseurs receveurs et officiers de finance / tant de feu monseigneur le roy Charles derrenier trespasse dont dieu ait lame / Comme de nostredit feu seigneur et pere Entre lesquelles avoit deux obligacions / de feu leopardin fortier jadiz receveur des aydes ayans cours pour / le fait de la guerre a laon, escriptes en papier lune de la date du / xviiie jour de janvier mil cccc xii montant a la somme de Cinquante / livres tournois Et lautre de la date du viiie jour davril oudit an montant / a la somme de C livres tournois pour reste de plusgrant somme dont ledit / leopardin avoit eu et receu descharge sur ladicte recepte du receveur / general desdiz aydes levees et baillees pour et au proffit de feu nostredit seigneur et pere. Et deux autres obligacions de feu pierrenet furet jadiz frere / de jehan furet de tournuz lors maistre particulier de la monnoie de / feu mondit seigneur le roy a mascon faictes aussi et escriptes en papier / soubz le seing manuel dudit perrenet montant ensamble a la somme / de iiim lviii livres tournois lune di’ deux obligacions dudit furet faicte le / xviiie jour dudit mois de fevrier oudit an mil cccc xviii Et lautre le / xiiie jour de juing ensuiant mil cccc xix pour et en lieu dune descharge / de semblable somme de iiim lviii livres tournois faicte et levee sur ledit maistre particulier / de ladicte monnoie de mascon par jehan fraignot receveur general / de nosdictes finances en nosdiz duchie et conte de bourgoingne, le quel / estoit semblablement et pour le temps dessusdit receveur dicelles finances / esdiz duchie et conte de bourgoingne de feu nostredit seigneur et pere, auquel / feu mondit seigneur le roy avoit donne et ordonne pour certain temps / tout le prouffit et emolument dicelle monnoie de mascon, / Sur lesquelles debtes et obligacions dudit furet ledit joceran / na peu avoir ne recouvrer que la somme de xiiic xx livres tournois tant / seulement Non obstant quelconque diligence que ledit joceran /

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s