Archives de la Cote d’Or, B 1623

f. 176v

A Philippe de montant escuier la somme de Cinquante ung frans a lui / deue pour la vendue dun livre appelle ainsseme que mondit seigneur a / fait prendre et acheter de lui pour mettre en sa librairie Pour / ce par mandement de mondit seigneur donne le xxviiie jour de decembre cccc / xxiii cy rendu Avec quictance dudit philippe et certifficacion du seigneur / de roubais sur lachat et delivrance dudit livre

f. 177

A arnoulet clentin orfevre de mondit seigneur La somme de vint et quatre frans / bonne monnoye qui deuz lui estoient pour lachat pris et delivrance / dung agnel dor garny dun dyament et dun petit ruby tous deux / assis [interline] oudit agnel [end interline], que mondit seigneur a fait delivre a ma damoiselle agnez de bourgoingne / pour le faire donner et presenter de par elle a la femme du filz de messire / jaques de la viezville bailli de dijon pour estrainne des nosses dudit / filz audit bailli Pour ce par mandement de mondit seigneur Donne le ixe / jour de novembre iiiiC vint et trois cy rendu avec certifficacion de / messire lourdin de saligny sur lachat pris et delivrance dudit agnel / dor et quictance dudit arnoulet escriptes au doz dudit mandement

f. 179

A frere jehan des nohes confesseur de madame la duchesse / de bourgoingne la somme de xv frans bonne monnoie a lui ordonne et / tauxez par monseigneur et par ses lettres patentes donnees xv dottobre / cccc xxiii en recompensacion des fraiz missions et despens quil [f. 179v] lui a convenu faire a estre ale jusques a troyes en la / compaignie de madame de bedfort et pour certaines messes / quil dit et celebre pour le remede de lame de feu monseigneur / le duc jehan cui dieu pardoint de laquelle somme il a este paie / en bonne monnoie par lordonnance de monseigneur le Chancellier com il appart / par une deliberacion escripte au doz dudit mandement Pour ce / cy et rent ledit mandement et quictance

f. 181

A lui la somme de Cinquante frans a compter six doubles pour / dix deniers tournois qui deuz lui estoient pour la vendue et / delivrance de trois draps de layne entiers lun blanc et les deux / autres griz chascun contenant xxx aulnes ou environ a laulne de dijon / prins et achetes de lui ledit priz, lesquelx drapz ont este / distribues a povres enfans escoliers tant religieux comme / seculiers par lordonnance et disposicion de monseigneur de bethleem / confesseur de mondit seigneur, ausquelx escoliers icellui seigneur les a / donnes pour dieu et en aumosne en chargent ausdiz enfans / certains suffraiges a dire et faire pour les ames de feuz monseigneur / le duc jehan et de madame la duchesse de bourgoingne femme / de mondit seigneur derrenier trespassez qui dieu pardoint Pour ce et / appart par mandement de mondit seigneur donne derrenier doctobre cccc / xxiii cy rendu Avec certifficacion dudit confesseur sur / lachat priz delivrance et distribucion desdiz drapz et quictance / dudit … chambellan

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s