Archives de la Cote d’Or, B 1623

f. 202v

A jehan de Courbeton marchant demourant A dijon la somme de / neuf vins ung franc demi monnoie a present courant pour la valeur de / vixx i escu dor, qui est pour ung chascun escu xviii gros dicte monnoie / qui deuz lui estoient pour la vendue et delivrance dun satin signe(?) / leu prins et achete de lui ledit priz et donne de par mondit seigneur le / duc a madicte dame de guienne et contesse de richemont sa / suer pour sa vesture pour la solemnite des noces de monseigneur / de richemont et delle solemnizees a dijon le xe jour dotobre mil / cccc xxiii Comme plusaplain est declaire es lettres patentes de mondit seigneur / Sur ce faictes et donnees audit dijon le xiiie jour de Novembre / suigant oudit an cccc xxiii, veriffiees au doz par jehan de noident sur / ledit fraignot cy rendues ensamble certifficacion de monseigneur de / roubais chevalier conseillier et chambellan de mondit seigneur sur lachat / priz et delivrance dudit satin ensamble aussi une certifficacion / de messires des comptes sur levaluacion desdiz escuz et quictance / dudit courbeton tout cy rendu

A pierrin saint rigault corduannier demourant A dijon, la somme [f. 203] de quarente quatre frans huit groz, qui deuz lui estoient pour pluseurs / paires de soulliers co’mmis, soulliers fautrez et galoiches quil a baillies / et livres pour le Chaussement de madicte dame de guienne et de / mes damoiselles Anne et agnez ses suers depuiz deux ans enca / chascune paire au priz de ii sous parisis monnoie de lors avaluee a celle / de presente, montent les parties desdiz soulliers par lui delivres a mesdictes / dame et damoiselles A ladicte somme de xliiii frans viii gros. Pour ce / et appart par mandement de mondit seigneur donne xviii de may cccc xxii / veriffies au doz par jehan de noident sur ledit fraignot cy rendu / Avec deux certifficacions a ce servans, et quictances dudit corduannier / tout requiz par ledit mandement

A Girart marriot marchant et a martinet esp’oinet pellec’ / demourant a dijon, la somme de huit cens quatre vins unze frans / huit deniers tournois pour pluseurs parties de pelleterie par eulx / bailles et delivres tant pour la vesture de monseigneur que de madicte / dame de guienne et aussi pour les facon et fourraige desdiz / robes en la maniere plusaplain declaires es lettres patentes de / mondit seigneur, donnees xxvie doctobre cccc xxiii. Pour ce et / rend lesdictes lettres, avec les quictances et certifficacions requises / par icelles

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s