Archives de la Cote d’Or, B 1623

f. 205

Extraordinaire de mes / damoiselles Anne et agnez de Bourgoingne

A loys Colombe brodeur demourant A dijon et a pluseurs autres cy apres / nommez, la somme de vint quatre frans quatre groz Cestassavoir / audit loys vii frans pour la vendue et delivrance de cinq onces de soye / de pluseurs coleurs, deux Canons de fil dor de Chippre, et dung / Canon de fil dargent de Chippre pour baillier a mesdices damoiselles / pour en ouvrer de broderie A Estienne de paris pelletier demourant / audit Dijon iii frans dix gros, pour la vende et delivrance de iiii paires / de gands les deux dicelles paires de Chevrotin rouge fourres / de menuvairs Et les autres deux paires de Chevrotin noir fourres / de penne de griz pour icelles mesdictes damoiselles vi frans pour en / paier le portaige ou voicture de certainnes chambres de tappisseries / que lors len mena de dijon a montbar pour icelles tendre audit / lieu pour la venue du duc de bethfort que len disoit venir illec / devers madamoiselle anne. Et A jehan robert orfevre demourant / audit dijon vii frans demi, pour la vendue et delivrance de quatre / verges dor esmaillies prinses de lui pour mesdictes damoiselles / Pour ce par mandement de mondit seigneur donne xxvie jour de fevrier / cccc xxii cy rendu ensamble iii quictances, desdiz loys, estienne de / paris et gillet tassin chascun de leur part et porcion, et / deux certifficacions de Anthoine laboque escuier de Cuisine de / mesdictes damoiselles sur lachat priz delivrance et recepcion des / choses dessusdictes et sur les vii frans demi baillie audit jehan robert / tou cy rendu

A aubert Clopin mercier, et a Jehan robert orfevre demourant / a dijon, la somme de Soixante dixsept frans dix groz monnoie a presente [f. 205v] courant Cestassavoir audit aubert cloppin pour la vendue et / delivrance de deux dyamans pointuz assiz sur deuz verges / dor esmaillees, lesquelx mondit seigneur a fait prendre et acheter / de lui ledit priz et iceulx fait donner et presenter de par lui / le jour de lan cccc xxii en estrainnes a mesdictes damoiselles / lxxv frans Et audit jehan robert pour le fesant dung / escu dor quil a mis et emploie de son or en lune des sainctures / de mesdictes damoiselles et pour sa peinne den avoir refait / icelle sainture ii frans x gros Pour ce et appart par mandement / de mondit seigneur donne xviii de mars cccc xxii cy rendu ensamble / deux quictances des dessusdiz chascun de sa part et porcion, et / certifficacion de jehan de noident conseillier et tresorier de / mondit seigneur sur lachat priz et delivrance des choses dessus dictes / requise par lesdictes lettres, et une autre certifficacion de anthoine / la boque escuier de Cuisine de mesdictes damoiselles / sur lesdiz ii frans x gros baillie audit jehan robert pour la /cause que dessus comme pour la facon dung anel a dyamant / esmaillie pour madicte damoiselle agnez tout cy rendu

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s