Archives de la Cote d’Or, B 1623

f. 205v

A Gillet tassin tailleur de robes de mesdictes damoiselles / la somme de six livres quinze solz tournois, pour acheter deux aulnes / de satin noir pour mesdictes damoiselles. Pour ce et appart / par mandement de mondit seigneur donne xxiiii de mars cccc xxii / cy rendu ensamble quictance dudit gillet et certifficacion de / marguerite de mainvillers damoiselle donneur et garde des joyaulx / de esdictes damoiselles Sur la recepcion dudit satin requise / par ledit mandement

A Girart marriot marchant, et a estienne marinet [f. 206] mercier demourant a dijon la somme de soixante deux frans / monnoie roial. Cestassavoir audit girart marriot xxx frans pour / la vendue et delivrance de dix aulnes de drap bleu tout / prest a laulne de dijon pour faire ou mois de juillet cccc / xxiii une hoppellande descey a grandes manches pendans / ouvertes et a grant queue traignant pour la vesture et / habillement de madicte damoiselle agnez de bourgoingne. A lui quil / a paie a jehan du molin tailleur de robes de madicte damoiselle / pour toille fil soye et autres estouffes neccessaires a faire ladicte / robe et aussi pour la facon dicelle de son mestier de cousturier / ii frans. Et audit estienne marinet xxx frans pour trois pieces / entieres de sendal vermeil pour la doubleure de ladicte robe / font ensamble lesdictes parties ladicte somme de lxii frans pour ce par mandement de mondit seigneur donne derrenier jour de juillet cccc xxiii / cy rendu ensamble certifficacion de girardin de Chavanges / maistre dostel de madicte damoiselle sur la delivrance de / ladicte robe faicte a madicte damoiselle escripte au doz dudit / mandement et ii quictances des dessusdiz chascun de sa part et porcion / tout requiz par icellui mandement

Audit girart marriot la somme de vint trois frans cinq groz / demi, qui deuz lui estoient pour les causes qui sensuignent / Cestassavoir pour la vendue et delivrance de treze aulnes / de bleu a laulne de pronurs(?) prinses de lui Cestassavoir / cinq aulnes pour en faire une robe pour frere gilles prieur / des jardins chappellain de madicte damoiselle agnez, et / viii aulnes pour faire deux autres robes lune pour jehan / des molins valet de Chambre et lautre pour jehan bauduin / ayde de chambre de madicte damoiselle laulne au priz / de xx sous tournois xiii frans A lui pour lachat de treze aulnes de [f. 206v] blanchet(?) pour les Doubleures desdictes robes, Laulne au priz de viii gros / valent viii frans viii gros. Item pour avoit fait et apiescer ledit drap / vi gros demi. Et pour avoir fait faire lesdictes robes xv gros, montent ensamble / lesdictes parties a ladicte somme de xxiii frans v gros demi. Pour ce et appart par / mandement de mondit seigneur donne xxviii dottobre cccc xxiii cy rendu Avec / certifficacion de girardin de chavanges maistre dostel de madicte / damoiselle sur la delivrance dudit drap, quictance desdiz frere gilles / jehan des molins et jehan bauduin sur la recepcion desdiz drapz, et / quictance dudit girart marriot sur la recepcion dudit argent tout / requiz par ledit mandement

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s