Archives de la Cote d’Or, B 1623

f. 206v

A jehan de gray coustellier demourant A dijon, la somme de unze / frans cinq groz demi qui deuz lui estoient pour la vendue et delivrance / de quatre cousteaulx et deux gaiiiiies Cestassavoir trois desdiz / cousteaulx garniz de viroles dargent armoiez aux armes de mondit seigneur / et lautre appelle chapplepain, lesquelx monseigneur le duc a donnez a / madicte damoiselle agnez sa suer. Pour ce et appart par mandement / de mondit seigneur donne xii doctobre cccc xxiii cy rendu Avec certifficacion / de jehan de quiellan escuier eschancon de mondit seigneur sur lachat / priz et delivrance desdiz cousteaulx, et quicttance dudit coustellier escripte / au doz de ladicte certifficacion

A jehan de courbeton, jehan de saulx archier et estienne dau jehan / espinglier, la somme de sept frans deux groz. Cestassavoir audit courbeton / pour demie livre de soye tant vermeille verde bleue que noire achetee / de lui ledit priz pour madicte damoiselle agnez de bourgoingne pour / ouvrer sur le baston et en faire son plaisir, v frans Audit jehan de sauls / pour la vendue dunes piesses pour mettre les couvrechiez / de madicte damoiselle xx sous tournois. Et Audit estienne daujehan pour la venue dun millier despingles de pluseurs sortes pour atourner [f. 207] madicte damoiselle xiiii groz, font ensamble lesdictes parties ladicte / somme de vii frans ii gros Pour ce par mandement de mondit seigneur donne le / xie jour de Novembre cccc xxiii cy rendu Avec quictance des / dessus nommez chascun de sa part et porcion Et certifficacion de jehan / de noident sur lachat et delivrance des choses dessusdictes

A pierre le wauthier commis a loffice de la Chambre aux deniers / de madame la Duchesse de bourgoingne la somme de trois cens livres / tournois monnoie de xxiiii sous le franc et six vins dixhuit livres bonne / monnoie, pour la despense ordinaire de madicte damoiselle / agnez de bourgoingne et de ses gens. Cestassavoir pour les mois / de Novembre iic frans pour decembre suigant iic frans, pour janvier / aussi suigant iic frans Et pour fevrier apres ensuiant cccc xxiii lx frans / que monseigneur le duc son frere, par ses lettres patentes donnees le iiie / jour du mois de Novembre oudit an lui a ordonne prendre et / avoir de lui pour chascun mois. Cestassavoir pour mois iic frans / tant comme elle sera a la despense de madicte dame la duchesse sa / mere. Pour ce et rendy cy coppie desdictes lettres collacionnees a / loriginal donnees xe de Novembre cccc xxiii par maistre jehan / de gand secretaire de mondit seigneur, ensamble une coppie collacionee / a loriginal de la retenue(?) oudit office, et deux lettres de recepte / dicellui pierre, lune de iiic livres tournois monnoie de xxiiii sous le franc faicte / xvie de Novembre cccc xxiii, et lautre de vixx xviii livres tournois bonne / monnoie faicte ledit jour.

f. 211

A huguenin du boiz bailli de charroloiz la somme de Cent / Cinquante frans Sur la somme de iiic frans A lui ordonnee pour le / paiement des vielles garnisons de charroloiz estans ou nombre de / xxiiii hommes darmes et douze hommes de trait, desquelx iiic / frans madame la duchesse doit paier Cl frans, et mondit seigneur son / filz Cl frans Pour ce et appert par mandement de mondit seigneur / donne le xve jour de mars cccc xxii cy rendu avec quictance / dudit bailli quant a la par de mondit seigneur

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s