Archives de la Cote d’Or, B 1623

f. 219

A madame La duchesse de bourgoingne la somme de deux cens quatre / vins huit frans a elle baillis de lordonnance et commandement de mondit seigneur pour / dicelle somme faire paiement aux gens darmes et de trait estans en garnison / a nouhiers montreal chastel girart et viezchastel Cestassavoir six hommes / darmes et six hommes de trait oudit chastel de nouhiers ung homme / darmes et ii arbalestres a chasteaul girart, audit lieu de montreal vi / arbalestres et audit viezchastel ung homme darmes et ii arbalestres [interline] qui sont pour / tout viii hommes darmes et xvi arbalestres [end interline] Et ce / pour leurs gaiges et soldes des mois davril et may cccc xxiii [interline] au pris de / xv frans pour chascun homme darmes et de iiii frans pour chascun arbalestre [end interline] Pour / ce par mandement de mondit seigneur donne le xiie jour daoust oudit an cy / rendu Avec quictance sur ce de madicte dame

f. 231v

Audit jehan fraignot la somme de l frans bonne monnoie paiez a / dame Angnes de blaisi dame de florigny pour le prepaiement / de la somme de C frans que monseigneur a mande a elle paier sur les arierages de sa pension de iiic frans desquelz C frans ont este prins / en despense(?) … iiiixx et xii l frans seulement Combien que ledit / fraignot eust quictance diceulx C frans mais il avoit fait sa / certifficacion et icelle baillie a ladicte dame par la quelle il / certiffioit quil ne lui avoit fait paiement que desdiz l frans pour / laquelle cause il avoit delaissie de prendre entierement lesdiz / C frans Pour ce cy par autre quictance de ladicte dame donnee xiiiie / de juing mil cccc xxiiii par laquelle la quictance rendue cy devant / de meme en valeur pour les l frans illec prins comme dit est seulement / cy rendue et mise en la fin de la darrenier liace des lettres rendues / par ce presente compte avec ladicte certifficacion dudit fraignot

f. 233v

Mondit seigneur le chancellier a monstree la coppie dune cedule faisant mencion que jehan de montbertaut / dit noiseux filz et heritier seul et pour le tout de deffuncs pierre de mont bertaut jadis conseillier / tresorier et gouverneur general de toutes les finances de feurent messeigneurs les ducs philippe et jehan / de bourgoingne qui dieu absoille, et de damoiselle marie de warmiguehem, Confesse avoir / receu de guy guilbault conseillier et receveur general de toutes les finances de monseigneur le duc de / bourgoingne, douze descharges de lui levees sur pluseurs receveurs de mondit seigneur qui sensuient / cestassavoir une descharge sur jehan fraignot receveur general de bourgoingne montant iim viiic frans / monnoie roial a presente courrant

Item une autre semblable sur ledit fraignot de iic frans

Item deux autres semblables descharges sur ledit fraignot lune de iic frans et lautre de ixc frans

Item une autre descharge ou nom des heritiers dudit feu montbertaut son pere montant A iic frans / Sur ce que son dit pere peut devoir par la reste de ses comptes renduz en la chambre / des comptes A dijon

Et pluseurs autres descharges levees sur pluseurs des officiers de recepte en flandres et Artois / montans toutes A viim frans dicte monnoie icelle donnee le darrenier jour daoust m cccc / xxiii

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s