ADCO B 299

quictance de viiic xx livres xvii sous x deniers ob’, pour monseigneur / le conte et mademoiselle la contesse de clermonte / qui deuz leur estoient par monseigneur le duc / de bourgoingne a cause des arreraiges de iim livres / tournois que mondit seigneur leur doit chascun an a rachat / de xxm livres tournois yceulx arieraige deuz depuis / le vie jour daoust cccc xxv jusques au darrenier / jour de decembre ensuiant

Nous Charles de Bourbon, Conte de Clermont, Et Agnez de bourgoingne Contesse de Clermont sa compaigne. Cestassavoir nous Ladicte Agnez / de lauctorite et licence de nostredit seigneur et mary A laquelle nous ledit charles Avons donne et donnons par ces presentes ladicte auctorite quant / a ce. Congnoissons et confessons Avoir eu et receu de nostre treschier seigneur et frere, Philippe Duc de Bourgoingne Conte de flandres dartois et / de Bourgoingne. Par les mains de maheut regnault son conseillier et receveur general de toutes ses finances, en sesdiz duchie et Conte de bourgoingne / La somme de huit Cens vint livres dixsept solz dix deniers maille tournois qui deue nous estoit. A cause des arreraiges de la rente / de iim livres tournois que nostredit seigneur et frere nous a baillie en gaige. A les prandre sur ses revenues de bourgoingne a deux termes. Pour la / somme de vint mil livres tournois, que nostredit seigneur et frere nous doit Pour la reste des deniers du mariage de nous ladicte Agnez / A les prandre chascun an par les mains de son dit receveur general es lieux Dostun ou de dijon a deux termes, en lan commencant apres la Consummacion / de nostredit mariage qui fut consumme et acomply audit lieu dostun le vie jour daoust mil CCCC vint et cinq, laquelle rente de iim livres tournois nostredit seigneur / et frere ou ses hoirs peuent racheter et acquitter A tous ses bons poins, ensemble ou pour partie en baillant pour mil livres de rente dix mille livres tournois / pour une foiz, Pourveu que lui ou ses hoirs me pourront mains racheter de mille livres tournois de rente a une foiz, lesquelles iim livres tournois de rente ainsi rachetes / nostre tresredoubte seigneur et pere monseigneur le duc de bourbon ou nous serons tenuz entre les autres choses de assigner icelle argent sur noz terres et seignouries ainsi / que nous les recevrons Cestassavoir dix livres tournois pour cent et le emploier bien et souffisament en terres et heritaiges au prouffit de nostredicte compaigne Ainsi que plusaplain / est contenu ou traictie dudit mariage, De laquelle somme de viiic xx livres xvii sous x deniers ob’ tournois, et pour lesdiz arreraiges depuis ledit vie jour daoust / oudit an mil cccc xxv jusques au darrenier de decembre ensuiant mil cccc xxv da… passe ouquel temps sont sept vins sept jour entiers. Nous lesdiz / charles et Agnez et chascun de nous pour le tout mesmement nous ladicte Agnes de lauctorite que dessus. nous tenons dicelle nostredit seigneur et frere pour bien / paiez et contents, et len quictent ensamble son dit receveur general et tous autres a qui quittance en puet et doit appartenir. En tesmoing de ce Nous / avons mis nos seaulx a ceste presente quictance Donne a molins en bourbonnois le xxiiiie jour du mois daoust lan de grace mil CCCC / vint et sept.

Par monseigneur le Conte le seigneur / de la fayette mareschal de france present

[signature De bar]

IMG_3760

Par madamoiselle / La contesse

[signature Philippot? marghas]

IMG_3761

IMG_3762 IMG_3763

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s