Archives de la Cote d’Or, 33 F 4

par an pour en joyr et la recevoir par les mains de nostre tresorier de salnis present et avenir des deniers de sa recepte a nous appertenans depuis le jour du trespas de nostredit feu seigneur et pere jusques au jourduy date de cestes / et doresenavant dan en an le cours de sa vie durant a deux termes et paiemens en lan assavoir de demy an en demy an a chascun terme la morte dicelle pension Si donnons en mandement a noz amez et feaulx les commis sur le fait / de noz demaines et finances que par nostredit tresorier de salnis present et avenir ilz facent paier baillier et delivrer a nostredicte tante et mere de bourbon ou a son certain commandement pour et ou nom delle ladicte pension de cinq mil frans / dicte monnoye roial par an sadicte vie durant aux termes et par la maniere que dit est ensemble ce qui en est escheu depuis le temps dessusdit. Et par rapportant cesdictes presentes vidimus dicelles fait soubz seel auctentique ou coppie / collacionnee et signee par lun de noz secretaires ou en nostre chambre des comptes a dijon pour une et la premiere foiz seulement Et pourtant de foiz que mestier sera quictance souffisant dicelle nostre tante et mere sur chascun terme / et paiement Nous voulons tout ce que ainsi paie baille et delivre luy aura este de la pension devant dicte par la maniere dessus touchee estre alloue es comptes et rabatu de la recepte de nostredit tresorier de salnis presente et avenir / qui paye laura Par noz amez et feaulx les gens de nosdiz comptes a dijon Ausquelx nous mandons par ces mesmes presentes que ainsi le facent sans aucune difficult Non obstant quelxconques ordonnances mandemens ou deffenses / a ce contraires Car ainsi nous plaist il En tesmoing de ce nous avons avons fait mectre nostre seel a ces presentes donne en nostre ville de Mons en haynnau le premier jour davril lan de grace mil quatre Cens soixante et / sept Et estoit escript au replit desdictes lettres par monseigneur le duc vous le sire de formelles le prevost de saint donas de bruges pretre bladehu(?) guillaume de poupet et autres pres…s et estoient signees J. gros Et au dessus / desdictes lettres les commis sur le fait des demaine et finances de monseigneur le duc de bourgoigne Tresorier de salnis presente et avenir Acomplisses le contenu au blanc de ces presentes tout ainsi et par la forme et maniere / que mondit seigneur le veult et mande estre fait par icelles Escript soubz le seing manuel de lun de nous le quatriesme jour davril lan mil CCCC soixante Sept et signe J. bladellus. En tesmoing desquelles choses / nous garde dessusdit a la relacion dudit jure qui les choses dessusdictes nous rapportees estre vrayes le seel dessusdit avons mis et appose a ces presentes lectres Donne quant a la vision des presentes le xxme jour davril Lan / mil CCCC soixante et huit apres pasques

[signature bonet]

IMG_7423

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s