Archives de la Cote d’Or, B 1598

f. 105v

A messire Jaques de Courtiambles chevalier seigneur de / Commerrien conseillier et chambellan de mondit seigneur / la somme de deux Cens quatrevins xii frans que ma dame la [f. 106] duchesse de bourgoingne par ses lettres patentes donnees, le xxixe / Jour de Janvier mil quatrecens et Dixhuit lui a tauxe oultre / et pardessus ses pensions ordinaires pour avoir este par lordonnance / de madicte dame avec regnault de toisy conseillier de mondit seigneur / En lancerroix lauxois charrolois et masconnois et es lieux et / marches voisines dudit pais de bourgoingne tant pour faire response / aux clergie bourgois et habitans de la ville dancerre de pluseurs / lettres que paravant ilz avoient escriptes a madicte dame, par / lesquelles ilz lui requeroient que ou cas que les ennemis du roy / et de mondit seigneur mectroient siege devant la dicte ville ou y faire / aucunes autres oppressions, quil lui pleust de les aidier a / pourveoir, et les faire secourir. Comme en avoir este en / lauxois charrolois masconnois et ce lieux et marches voisines / dicellui pais de bourgoingne visiter les reparacions et fortifficacions / qui estoient neccessaires a faire en icelle ville dancerre et es / chasteaulx et forteresses de saint bris avalon montreal / moustier saint Jehan, Thoisy noiers chasteaugerart / montbar, semur en auxois, sanlieu et autres estans en Icelles / marches, et pour avoir fait pluseurs autres voiages pour le fait / de mondit seigneur, et pour ses affaires plusaplain declairiez / esdictes lettres. Ouquel oviage, Il a vacque, par lxxiii jours / entiers commencans le xxe Jour de novembre mil quatrecens / et Dixhuit quil partit de son hostel pour aler oudit voiage / Jusques au dernier Jour de Janvier, suivant tous Inclus qui / font lesdiz lxxiii Jours au fue de quatre frans par Jour, sont / en somme toute, ladicte somme de trois Cens iiiixx xii frans / Pour ce et rend lesdictes lettres et quictances dudit messire Jaques / Contenant affirmacion davoir vacque oudit voiage par lesdiz / lxxiii jours. Et pour les causes declairees esdictes lettres

A regnault de Thoisy conseillier de mondit seigneur la [f. 106v] somme de sept vins frans que madicte dame la duchesse de / Bourgoingne par ses lettres patentes Donnees le iiie Jour de / fevrier mil quatrecens et Dixhuit, lui a tauxe oultre et / par dessus ses gaiges et pensions quil a prent de mondit seigneur pour / lxx Jours entiers commencans le xxve Jour de novembre mil / quatrecens et Dixhuit et fenissans le ve Jour de fevrier ensuivant / ^desduis les ixe xe et xie jour de janvier^ quil a vacque en avoir este en la compaignie dudit messire Jaques de / Courtiambles ausdiz lieux de lancerrois, lauxois charrolois et / masconnois, et es lieux et marches vosines du pais de bourgoingne / visiter les reparacions et fortifficacions, qui estoient necesaires(?) a / faire en Icelle ville danxerre et es dessusdiz chasteaulx et / forteresse de saint bris avalon montreal mouster saint Jehan  /Thisy noyers chasteaugerart montbar semur en auxois sanlieu / et autres estans en Icelles marches. Et pour avoir fait pluseurs / autres choses declairees esdictes lettres au fue de ii frans par Jour / font en tout pour lesdiz lxx Jours, ladicte somme de viixx frans / Pour ce et rend lesdictes lettres. Ensemble quictance sur ce dudit regnault / par laquelle il afferme en sa conscience, et loyaulte avoir / vacque oudit voiage par lesdiz lxx Jours, et pour les causes / declairees esdictes lettres exepte, les^diz^ ix x et xie Jours du mois de / Janvier oudit an quil demoura en son hostel a ostun en actendant / ledit messire Jaques, pour aler en charrolois

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s