Archives de la Cote d’Or, B 1598

[f. 106v]

Audit Regnault de Thoisy la somme de quarante deux / frans que madicte dame la duchesse par ses lettres patentes donnees / le ixe jour de mars, lan mil quatrecens et Dixhuit, lui a / tauxe et ordonne oultre ses gaiges et pensions ordonnees pour / xxi Jours entiers quil a vacque Cestassavoir xv Jours commencant / le xe Jour de fevrier oudit an mil iiiiC xviii, et fenissant le / xxiiiie Jour dudit mois ensuivant en avoir este du commandement / et ordonnance de madicte dame avec et en la compaignie [f. 107] de Jocerand frepier et dudit fraignot pour Le soingnier avec eulx / a lentretenement des gens darmes qui neccessairement Il convenoit / mectre sus es frontieres de masconnois de charlie et du bois sainte / marie, et pour leur aidier a conduire et entretenir le paiement / diceulx gens darmes, Et aussi pour dire certaine creance de par / madicte dame au conseil du roy a mascon, et aux bourgois et / habitans dudit lieu. Et dilec estre retourne a charrolois faire / paiement aux gens darmes et de trait qui estoient en garnison / es chasteaulx de semur en brionnois charrolois aitus(?) doudain / le mont saint vincent, et sens vignes. Et six Jours entiers / commencans le vie Jour de mars oudit an. Et fenissant / le xie Jour dudit mois ensuivant, tout Inclux, quil a vacque en / avoir este a rouvre devers madicte dame lui dire ce quil avoit en ce fait / et besongne, et pour avoir porte audit fraignot ses acquict sur ce / A fuer de deux frans par Jour valent et font ladicte somme de xlii frans / pour ce et rend lesdictes lettres et quictance dudit regnault. Par / laquelle il afferme en sa conscience et loyaulte avoir vacque / oudit voiage durant lesdiz xxi Jours, et pour lesdictes causes

A ayme bourgois escuier descuerie de mondit seigneur la somme / de quatrevins frans a lui bailliez du commandement et ordonnance / de madicte dame la duchesse, pour estre ale par son ordonnance lui / iiie et iiie chevaulx devers le duc de lorraine, et dilec a Coloigne / et a francquefort pour enquerir et rapporter a madicte dame lemprise / que len disoit que ^les^ princes et seigneurs de lalemaige faisoient pour porter / dommaige a mondit seigneur et a ses pais, et subgiez, pour ce / par mandement de madicte dame Donne le xiiie Jour de mars, / mil quatrecens et Dixhuit. Cy rendu avec quictance / dudit ayme

f. 108

A maistre guillaume Courtot conseillier et maistre des / comptes de mondit seigneur la somme de cinquante frans que ma / dame la duchesse, par ses lettres patentes, Donnees le iiie / Jour de may mil quatrecens et Dixneuf, lui a tauxe / pour une foiz oultre et pardessus, ses gaiges ordinaires pour / vixx jours et plus quil a vacque depuis le ve jour de novembre / mil quatrecens et quinze jusqes audit iiie Jour de may / ou sont trois ans et demi, tant pour le fait de la guerre / comme pour les autres fraiz, besoingnes et affaires de mondit seigneur / que durant ledit temps son survenues. Et avoir este devers / madicte dame des Dijon a la perriere a Auxonne et a Rouvre / avec pluseurs autres conseilliers de mondit seigneur qui semblablement / madicte dame y avoit mande, pour avoir leur advis de / ce quelle avoit a faire sur les provisions desdictes besoingnes et / affaires, durant lesquelz vixx Jours il a vacque le plus / souvent lui iiie et trois chevaulx, sans pour ce avoir obtenu / de mondit seigneur ne de madicte dame aucune taxacion de gaiges / ou autre recompensacion. Pour ce et rend lesdictes lettres et quictance / sur ce dudit maistre guillaume escripte au doz dicelles lettres [f. 108v] Contenant assercion davoir vacque pour lesdictes causes durant / lesdiz vixx Jours

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s