Archives de la Cote d’Or, B 1598

f. 108v

Audit Jehan fraignot la somme de cinquante frans que mondit seigneur / le duc par ses lettres patentes Donnees a provins le xxviiie / Jour davril mil quatrecens et Dixneuf lui a tauxe pour / son voiage par lui fait ou mois de mars mil quatrecens et / dixsept, en avoir este par lordonnance et commandement de / mondit seigneur des dijon a mascon ou monseigneur dargueil lors / fit la moustre de cinq cens hommes darmes Dont il estoit de par [f. 109] la royne et mondit seigneur chargie de mener du pais de bourgoingne / et des marches denviron es pais de guienne et de languedoc, / pour reduire et ramener en lobeissance du roy et de mondit seigneur / les subgiez desdiz pais. Auquel lieu de mascon ledit Jehan fraignot / lui vie de personnes, tant clers que autres, et autant de chevaulx / que neccessairement lui convenoit avoir tant pour la garde seurte / et conduite de largent que par le plaisir de mondit seigneur Il menoit pour / faire le paiement desdictes gens darmes que pour compter et distribuez / Icellui selon que ordonne estoit ou fait desdictes moustres arriva le / xiie Jour du mois de mars, et continuelment oudit fait vacqua / jusques au xixe Jour dudit mois, tout Inclus, ou sont huit / Jours entiers et six Jours pour ses alee et retour. Et que plus est / pour ce que a son partement de mascon le paiement desdictes gens / darmes ne soit pas parfait mais avant la perfeccion dicellui, pour / les autres affaires de mondit seigneur le convint de partir pour lui en / retourner audit dijon, laissa audit lieu de mascon Jehan de / vison son clerc lui iie et deux chevaulx pour parfaire ledit / paiement et en recouvrer les acquis neccessaires pour ledit / fraignot lequel Jehan de visen depuis ledit partement dudit fraignot / vacqua en ce faisant audit mascon, jusques au xxiie Jour dudit / mois quil sen partit pour lui en aler apres ledit fraignot audit / Dijon. Au fuer de trois frans pour unchascun desdiz, xiiii Jours / pour ledit fraignot, qui font xlii frans. Et pour ledit Jehan / de visen pour cinq Jours que pour ladicte cause il vacqua audit / mascon et trois Jours pour soy en retourner apres ledit fraignot / audit Dijon chascun Jour au fuer dun franc, qui sont huit / frans, font sensemble lesdictes parties, ladicte somme de cinquante / frans. Pour ce et appart par lesdictes lettres de mondit seigneur. Cy / rendues avec certifficacion de messire Jehan de saint ylaire guillaume saichet / gouverneur de montpellier conseillier du roy requise par ledit mandement [f. 109v] par laquelle Ilz certiffient ledit Jehan fraignot estre arrive audit / mascon ledit xiie Jour de mais oudit an lui vie et vi chevaulx / et pour ladicte cause. Et y avoir demoure Jusques audit xixe / Jour dudit mois ensuivant

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s