Archives de la Cote d’Or, B 1598

f. 110v

A maistre Gerard vion baicheler en lois la somme de / Cent frans, Sur la somme de deux cens frans qui deuz lui / estoient pour ses gaiges de deux, Cens xxxiiii Jours entiers / commencans le xxie Jour de Juing mil iiiiC et xviii et fenissant / le ixe Jour de fevrier ensuivant tout Inclus quil a vacque en avoir / este de par mondit seigneur en ambaxade avec et en la compaignie / de messire Jehan de sauls ou pays ditalie devers la royne Jehanne / de secile le marquis dest et de ferrare officie de Cudmole grant / connestable du royaume de Secile et pluseurs autres des parties / de pardela, pour le fait leslargissement et delivrance du roy / Jaques de Secile pour tout lequel temps mondit seigneur par ses / lettres patentes Donnees le ixe Jour de fevrier oudit an mil / quatrecens et Dixhuit lui a tauxe, ladicte somme de iiC frans / oultre et pardessus, la somme de vixx frans quil receut sur sondit / voiage quant Il party de Dijon pour aler en icellui voiage / pour ce et rend lesdictes lettres verifiees sur ledit fraignot par Jehan / de noident conseillier et receveur general de toutes les finance de / mondit seigneur avec ^deux^ quictances dudit maistre gerart par lesquelles / il afferme en sa conscience et loyaulte avoir continuelment / vacque oudit voiage durant le temps et pour les causes et en / la maniere dessusdicte

A Jocerand freppier conseillier de mondit seigneur la somme de / xlviii ^escuz^ frans a lui tauxez par ma dame la duchesse de bourgoingne / et par ses lettres patentes Donnees a rouvre le xxiiiie Jour de mars / mil quatrecens et dixhuit pour xxiiii Jours quil a vacque / pour les causes et voiages qui sensuivent. Et premierement / pour trois Jours commencans le viiie Jour de fevrier oudit an / par lui vacquez en estre ale de chalon a Beaune Auquel lieu [f. 111] madicte dame lavoit mande pour estre au conseil avec le seigneur de / saint george le bailli de Dijon Jehan chousat et autres pour conseillier / et aviser sur aucunes choses, Desquelles ma dame de Nevers / avoit escript a madicte dame la duchesse. Item pour six Jours / commencans le xiie Jour dudit mois de fevrier, par lui vacquez / en avoir este de chalon a mascon avec et en la compaignie dudit / Jehan fraignot pour apporter, le paiement de Cent hommes. / Darmes qui estoient en la frontiere du pais de masconnois a lencontre / des ennemis du roy et de mondit seigneur. Item pour autres six / Jours commencans le xxe Jour dudit mois defevrier quil a / vacque, en avoir este dudit chalon a Dijon en la compaignie / dudit Jehan fraignot devers madicte dame lui avoir rapporte ce que / ledit fraignot et lui avoient fait audit mascon sur lappointement / desdictes gens darmes, et pour requerir a madicte dame envoyer / audit mascon ung chief pour le gouvernement dicelles gens, / darmes. Item pour neuf autres Jours commencans le viiie Jour / de mars ensuivant, par lui vacquez en estre party dudit chalon / par lordonnance des gens du conseil de mondit seigneur audit lieu / Et dillec estre ale audit mascon devers le bailli dudit lieu qui devoit / avoir ses gens darmes et de trait prestz pour aviser comme Ilz / seroient paiez de leurs gaiges. Et dillec estre retourne a Dijon / en la chambre des comptes de mondit seigneur audit lieu pour / aviser sur le paiement desdiz gaiges, ainsi que plusaplain est / declairie esdictes lettres patentes de madicte dame chascun jour au / fuer de ii escus, valent et font lesdiz xxiiii Jours, ladicte somme / de quarante huit escus. Pour ce et rend lesdictes lettres et / quictance dudit Joceran, par laquelle il afferme, en sa conscience / et loyaulte avoir vaque par lesdiz xxiiii Jours, pour les / voiages causes et parties declaires esdictes lettres

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s