Archives de la Cote d’Or, B 1598

[f. 119v]

A maistre Regnault Joly conseillier de madicte dame / et de mondit seigneur le duc son filz et a huguenin darchey / escuier la somme de vint frans, Cestassavoir a chascun / deulx dix frans ^oultre et par dessus la somme de lx frans prins cy^ que madicte dame la duchesse par ses lettres / ^apres en despense folio vixx xv°^ patentes Donnees a Dijon le xxviie Jour doctobre, / mil quatrecens et Dixneuf, et par ladvis de son conseil a / ordonne eulz estre bailliez, pour la reste de leurs gaiges salaires / et despens denviron xvii Jours entiers quilz ont vacque en estre / ale en ambaxade de par madicte dame devers messires le ducs de [f. 120] Bar et de lorraine sur aucunes matieres dont madicte dame par / sesdictes lettres ne vueult estre faicte aucune declaracion, pour ce et / rend lesdictes lettres ensemble quictance sur ce desdiz maistre regnault / Joly et huguenin, chascun de sa part et porcion, requise / par ledit mandement

A Reverend pere en dieu monseigneur levesque de chalon / messire guy de Bar bailli Dauxois maistre Jehan hue / Doyen dostun, et maistre Jehan de terrant, conseilliers du / roy la somme de iiiC xlv frans a eulx bailliez du commandement / et ordonnance de madicte dame la duchesse. Et par ladvis de pluseurs prelaz chevaliers et autres gens de son conseil. Cestassavoir / audit monseigneur levesque de chalon .C. frans, audit bailli / dauxois iiiixx. frans. Audit maistre Jehan hue iiiixx x frans / et audit maistre Jehan de terrant, lxxv frans. Sur ce / qui leur sera deu tant a cause destre venuz par lordonnance de / madicte dame, des leurs hostelz a Dijon devers elle, et / sejourner Illec comme pour estre ale par son ordonnance / et par ladvis que dessus de Dijon a troies devers le roy et / la royne, pour pluseurs causes ou conseil de madicte dame la / duchesse touchees. Pour ce par mandement de madicte / Dame Donne a Dijon le premier Jour de novembre mil iiiiC / et dixneuf. Cy rendu avec quictance des dessusdiz, chascun de / sa part et porcion requises par ledit mandement

A messire Jehan hotors dit Cohorsquin chevalier conseillier et chambellain / de mondit seigneur guillaume de neuville dit le moine escuier ^trenchant^ de mondit seigneur / et a maistre Jehan pelluchot conseillier de mondit seigneur la somme [f. 120v] de neuf vins frans a eulz bailliez par lordonnance de madicte dame et par / ladvis du bailli de Dijon et dautres du conseil dicelle dame Cestassavoir / audit messire Cohorsquin iiiixx x frans, audit moyne de neuville, l frans / Et audit maistre Jehan pelluchot quarante frans. Sur ce qui leur / pourra estre deu, pour leur voiage daler de par madicte dame devers / monseigneur le duc de savoye pour certaines choses touchans le bien et / honneur, delle et de mondit seigneur le duc son filz et de leurs pais / et subgiez, pour ce par mandement de madicte dame Donne a Dijon / le iie Jour de novembre mil quatrecens et Dixneuf. Cy rendu / avec quictance des dessusdiz chascun de sa part et porcion requise par / ledit mandement

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s