Archives de la Cote d’Or, B 1598

[f. 137v]

A Jehan quarre Jehan de leschevel dit bouligne frere philippe / de guillon ou nom de monseigneur de Bethleem estienne / humbault, germain de genry ^pierre admiral^ pierre admiral Jehan le / palefrenier denis larchier, Et Erauble larchier, la / somme de iiiC ^xxii frans^ lvii frans xvii sous vi deniers, qui deuz leur / estoient pour les causes et parties qui sensuivent. / Cestassavoir audit Jehan quarre, xlv frans, pour la / vendue Dun cheval bail a longue queue, audit Jehan / de leschevel xxviii frans ii sous vi deniers tournois pour la vendue / dun cheval, rouen a longue queue. Audit frere philippe de guillon / ou nom que dessus xxxiii frans xv sous tournois pour la vendue / dun cheval moreau a longue queue. Audit estienne / humbault xxv frans pour, ung cheval ^gris^ a Court queue / Audit germain de gency xxxii frans pour la vendue / Dun cheval moreaul a longue queue. ^Audit pierre admiral^ Audit pierre admiral / xxxii frans pour ung cheval a courte queue ^pour un cheval a courte queue xxxii frans [f. 138] Audit Jehan le palefrenier, lxx frans pour ung cheval a / longue queue. Audit denis larchier xxxvi frans, pour ung / cheval Bail a longue queue Et audit Erauble xx frans / pour la vendue Dun cheval bail a longue queue. Tous / Iceulx chevaulx, pris et achetez des dessusnommez, par / gerart de bourbon escuier descuierie de mondit seigneur, et par / lordonnance dicellui seigneur, les pris et somme dessus declairies / pour Iceulx baillier et Distribuer par lordonnance dicellui seigneur / Aux gens de sa venerie Ausquelz Il les a donnez. Pour / ce par mandement de madicte Dame la duchesse de bourgoingne / Donne a rouvre le xxe Jour de Juillet mil quatrecens / et Dixneuf. Cy rendu avec certifficacion dudit girart / de bourbon, sur lachat pris et delivrance desdiz chevaulx / Ensemble quictance des dessusnommez, escripte au doz / de ladicte certifficacion, requise par ledit mandement

A Jehan husselin Jadiz garde husche de leschanconnerie / de feu mondit seigneur le Duc la somme de viixx x livres tournois / monnoye a present courrant, a lui bailliez du commandement / et ordonnance de ma dame la duchesse de Bourgoingne / pour et en paiement de vixx moutons en or que feu mondit seigneur / lui devoit pour ung courcier brun bail quil fit prendre et / acheter de lui ledit pris ou mois de decembre mil quatre / Cens et Dixhuit lui estant a pontoise. Par Jehan / Dormoy son escuier descuierie lequel Courcier mondit seigneur / Donna lors a pierrinet larchier qui lui avoit apporte nouvelles / de par les seigneurs bourgois et habitans de la ville de rouen que / Ilz se rendroient aux angloiz se mondit seigneur ne les secouroit / ou faisoit secourir bien brief. Ainsi que plusaplain declaire est [f. 138v] es lettres patentes de madicte dame la Duchesse de bourgoingne, / Donnees a Dijon le xiiiie Jour Doctobre mil iiiiC et Dixneuf / Cy rendues avec quictance sur ce dudit Jehan husselin ensuivant / certifficacion dudit gerart de bourbon, Jadiz escuier descuierie / de feu mondit seigneur, Sur lachat pris et delivrance dudit / Courcier. Et ainsi que dit est requise par lesdictes lettres / patentes

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s