Archives de la Cote d’Or, B 1598

[f. 166v]

A Jehan eschillot varlet de chambre de madicte dame la / duchesse, la somme de vint frans que mondit seigneur par / ses lettres patentes, Donnees ou mois de Juing mil quatrecens / et Dixhuit lui avoit fait lesquelles lettres par petite garde / ou autrement ont este perdues. Et depuis mondit seigneur par / ses autres lettres patentes, Donnees a provins le xvie Jour / de may mil quatrecens et Dixneuf verifiees sur ledit / fraignot Iteratives des dessusdictes autres lettres, Et voulans / ledit don sortir son effect a mande paier ledit Jehan eschillote / de ladicte somme de xx frans. Pour ce paie a lui et rend lesdictes / lettres ensemble quictance sur ce dicelui Jehan. Par laquelle / Il afferme lesdictes lettres estre perdues, par la maniere que dit/ est Et promet que dicelles se elles se treuvent Jamais ne sen / aidera

f. 167

A Colinet de la hazarderie escuier trenchant de ma / dame la duchesse de guienne la somme de cinquante frans. Pour / don a lui fait par mondit seigneur de grace especial pour consideracion des / bons et agreables services quil a fait a mondit seigneur ou service de / madicte dame de guienne, sans avoir ou ne pris aucuns gaiges / Comme en recompensacion des fraiz missions et despens quil a euz / et soustenuz en pluseurs voiages, quil a faiz tant pour Icellui / seigneur comme pour madicte Dame de guienne. Pour ce par / mandement de mondit seigneur, Donne a provins le derrenier Jour de / fevrier mil quatrecens et Dixhuit verifie par ledit noident / sur ledit fraignot Cy rendu avec quictance dudit Colinet

A Jehan guyen du pais de savoye et eschancon de feu monseigneur / le Duc Jehan de bourgoingne derrenierement trespasse dont dieu ait lame / la somme de cinquante frans pour don a lui fait par ma dame / la duchesse de bourgoingne et par ses lettres patentes Donnees / a Dijon le xxviiie Jour de septembre mil quatrecens et / Dixneuf pour occasion de grans pertes et dommaiges quil a euz et [f. 167v] soustenuz ou service de feu mondit seigneur comme ce a este tesmoingne / a madicte dame par pluseurs des autres officiers de feu mondit seigneur / Pour ce et rend lesdictes lettres de madicte dame ensemble quictance / sur ce dudit jehan

A maistre Jehan pelluchot Jadiz conseillier de feu mondit seigneur / la somme de iiC frans que icellui feu seigneur par ses lettres patentes / Donnees a paris le xixe Jour Daoust mil quatrecens et / treze Pour ce adrecans a Jocerand frepier lors son tresorier et gouverneur / general de toutes ses finances lui donna pour consideracion des / bons et agreables services quil lui avoit fait tant oudit office / de conseillier comme autrement en plusieurs manieres et pour et / en augmentacion de son mariaige Dont / aucune chose par ledit Jocerand ne par autre ne lui a este paie / Et pour ce ma dame la duchesse de bourgoingne soy faisant / fort quant a ce pour mondit seigneur le duc son filz, et par / ladvis du bailli de Dijon et dautres gens du conseil delle et de / mondit seigneur le Duc son filz, Et pour aidier audit maistre / Jehan, a avoir des chevaulx et autres habillemens qui lui sont / neccessaires pour plus honnorablement aler et estre devers monseigneur / de savoye ou madicte dame la envoye en ambaxade pour certaines / grandes matieres touchans elle et mondit seigneur le duc son filz / et que icellui monseigneur a fait derrenierement savoir a madicte dame. A par / ses lettres patentes Donnees a Dijon le iiiie Jour de novembre / mil quatrecens et dixneuf, Mande audit Jehan fraignot paier / ledit maistre Jehan pelluchot de ladicte somme de iiC frans. / Pour ce paie a lui et rend les dessusdictes lettres ensemble quictance / sur ce dicellui maistre Jehan

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s