Archives de la Cote d’Or, B 1598

[f. 188v]

A Jehan rouhier charretiers des offices de lostel de feu mondit seigneur / la somme de dix frans pour don a lui fait par feu mondit seigneur / pour lui aidier a avoir et acheter pourpoins chausses chapperons / robes linges soliers houseaulx et autres ses menues neccessitez, ainsi / que plusaplain est contenu ou mandement patent de feu mondit seigneur / Donne a pontoise le viie Jour de decembre mil quatrecens et / dixhuit, signe par ledit maistre Baude et non seelle, dont / madicte dame la duchesse par sesdictes lettres rendues comme / dessus A releve comme dit est ledit fraignot, Pour ce et rend / ledit mandement de feu mondit seigneur. Ensemble quictance sur ce / dudit Jehan rouhier

A messires guy de bar et Jaques de Courtiambles la somme / de huit vins frans pour leurs despens dun voiage par eulz fait / par lordonnance de feu mondit seigneur des la ville de provins devers / messeigneurs et dame de savoye ou Ilz alerent en ambaxade pour aucunes / choses tant et si avant touchans le bien et honneur de mondit seigneur / que plus ne pouoient, ainsi que plusaplain est declairie ou / mandement de feu mondit seigneur, donne audit provins le / xxie Jour de fevrier mil quatrecens et Dixhuit signe par / ledit maistre baude et non seelle, Dont madicte dame par sesdictes / lectres rendues comme dessus a releve ledit fraignot. Pour / ce et rend le mandement de feu mondit seigneur, Ensemble deux [f. 189] quictances desdiz messire guy et Jaques de Courtiambles requises / par ledit mandement

Au viconte de murat et a Jehan de chassigny escuier / la somme de quatrecens frans a eulz bailliez du commandement / et ordonnance de mondit seigneur en oultre cent frans a eulz bailliez / par messire blainchet et gorremont sur certain voiage ou lors mondit seigneur / les envoya pour le bien du roy et de lui ainsi que plusaplain est / declairie ou mandement patent de feu mondit seigneur Donne a / provins le derrenier Jour de fevrier mil quatrecens et Dixhuit signe / par ledit maistre baude et non seelle Dont madicte dame a par sesdictes / lectres rendues comme dessus, releve ledit fraignot. Pour ce et rend / ledit mandement de mondit seigneur, Ensemble quictance sur ce desdiz / viconte et Jehan de chassigny

A Constantinoble herault du roy de portigal la / somme de quarante cinq frans pour don a lui fait par mondit seigneur / pour avoir et faire a faire un esmail armoie aux armes de mondit seigneur / ainsi que plusaplain est contenu ou mandement de mondit seigneur / Donne a Dijon le xiie Jour davril mil quatrecens et Dixhuit / signe par maistre guillaume vignier et non seelle Dont madicte / dame a releve comme dit est ledit fraignot. Pour ce et rend / ledit mandement ensemble quictance sur ce dudit herault

A dommegeot ^vinerot^ dit dommo Jadiz saulcier de mondit seigneur / la somme de vint frans pour don a lui fait par mondit seigneur a la / requeste de ses maistres Dostel et pour consideracion des services quil a [f. 189v] faiz a mondit seigneur, ainsi que plusaplain est contenu et / declairie ou mandement patent de feu mondit seigneur Donne / a provins le xxiiiie Jour de may mil quatrecens et Dixneuf / signe par ledit maistre Baude des Bordes et non seelle. Et / dont madicte dame la duchesse par sesdictes lettres a releve comme / dit est ledit fraignot, Pour ce et rend ledit mandement de / feu mondit seigneur, ensemble quictance sur ce dudit dommo

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s