Archives de la Cote d’Or, B 1598

f. 190

A passequoy de villenove la somme de douze frans / a lui bailliez du commandement et ordonnance de mondit seigneur / pour estre ale en certains lieux secrez dont mondit seigneur ne vueult / autre mencion en estre faicte ainsi que plusaplain est contenu et / declairie ou mandement de mondit seigneur, Donne a provins / le xxiiiie Jour de may Lan mil quatrecens et dixneuf signe / par ledit maistre Baude et non seelle, Et dont madicte / dame par sesdictes lettres rendues comme dessus a releve ledit / Jehan fraignot. Pour ce et rend cy ledit mandement de / mondit seigneur, Ensemble quictance sur ce dudit passequoy

A monnin baucher clerc de monseigneur de bethleem Jadiz / confesseur de feu mondit seigneur la somme de quatre frans demi / a lui bailliez pour loffrande de mondit seigneur par lui faicte en leglise / de nostre dame de Dijon ou Il ouyt messe le xiie Jour de Juing / mil quatrecens et Dixhuit ainsi que plusaplain est declairie au mandement de mondit seigneur Donne a provins le xxiiiie / Jour de may mil quatrecens et Dixneuf signe par ledit maistre / Baude et non seelle Dont madicte dame par sesdictes lettres / rendues comme dessus, a releve ledit Jehan fraignot Pour / ce et rend cy ledi mandement de mondit seigneur. Ensemble / quictance sur ce dudit monnin

A Jehan legier Jadiz Canonnier de feu mondit seigneur / la somme de soixante Dixhuit frans Sur ce qui lui est deu / a cause de son service comme Canonnier davoir este es services / et armees que mondit seigneur fit en france en lan mil CCCC / et dixsept ou Il fut et servy continuelment ou fait des / Canons et bombardes depuis que mondit seigneur partit de lille en alant / oudit voiage Jusques a ce que mondit seigneur arriva a troies en la compaignie / de la royne ainsi que plusaplain est declairie ou mandement de / mondit seigneur Donne a provins le xxiiiie Jour de may mil / quatrecens et Dixneuf, signe par ledit maistre baude, et non / seelle Dont madice dame a releve ledit Jehan fraignot comme / dit est. Pour ce et rend ledit mandement de mondit seigneur / et quictance sur ce dudit Jehan legier

A maistre Richart de chancey chief du conseil de mondit seigneur / la somme de quarante frans a lui bailliez par lordonnance de feu / mondit seigneur. Sur ce qui lui seroit deu pour ung voiage / que par lordonnance de mondit seigneur Il avoit fait avec messire / Jaques de Courtiambles devers messeigneur et dame de savoye et / autres ou mondit seigneur lenvoya pour aucunes choses, / touchans grandement le bien du roy et de mondit seigneur / ainsi que plusaplain est declairie ou mandement de mondit seigneur / Donne a provins le xxiiiie Jour de may, lan mil quatrecens et / Dixneuf signe par ledit maistre Baude et non seelle Dont / madicte dame la duchesse a releve ledit fraignot comme dit est / Pour ce et rend ledit mandement de mondit seigneur et quictance / dudit maistre Richart

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s