Archives de la Cote d’Or, B 1598

[f. 249v]

A perrenot Doranges de Beaune pour deux Cens / cinquante livres de fer de lion Dont a este ferre le chariot / neuf de madicte Dame le Cent au pris de lx sous tournois valent / sept livres dix solz tournois.  Pour ce par lesdiz / mandement de madicte Dame et certifficacion Dudit / regnault dorges Cy devant rendu en la premiere partie / de ce chapitre et quictance dudit doranges

A mahieu vion mareschal de madicte Dame pour les / despens de lui et de son cheval Dun Jour entier quil a este / audit Beaune querir les dictes deux Cens livres de fer et la / convenu aler querir audit lieu de Beaune pour ce que a / Dijon len nen pouoit finer de semblable fer pour ce x sous tournois / Et pour lamenaige dudit fer dudit lieu de Beaune jusques [f. 250] a Dijon xiii sous iiii deniers tournois qui font pour tout vint / trois solz quatre deniers tournois. Pour ce par lesdiz / mandement de madicte Dame et certifficacion dudit / regnault, renduz cy devant en la premiere partie / de ce chappitre ensemble quictance Dudit mahieu

A estienne Beaujeu mareschal demourant A Dijon / pour avoir mis en euvre tout ledit fer et avoir ferre / ledit chariot neuf et au surplus y avoir fait ce quil appertenoit / de son mestier, sans le Curre et deux coffres qui sont / aux deux boux dudit chariot Pour ce vi livres tournois / Pour ce par lesdiz mandement et certifficacion cy dessus / renduz en la premiere partie de ce chappitre et quictance dudit estienne

A Jehan muguet rouier demourant a Dijon pour quatre / roues neufves de son bois et le surplus dudit chariot neuf / Cestassavoir de son mestier, sans le Curre et lesdiz deux / coffres qui sont aux deux boux dicellui chariot huit livres tournois / Pour ce par lesdiz mandement de madicte Dame et / certifficacion Dudit regnault dorges rendu cy devant / en la premiere partie de ce chappitre, ensemble quictance / Dudit Jehan muguet

A Estienne larchier demourant a dijon, pour la reste / du curre Dicellui chariot neuf lequel Il a fait tout neuf / en ce compris deux coffres neuf qui sont aux deux boux / dicellui chariot, Cent solz tournois et pour ung coffre [f. 250v] neuf pour lun des autres charioz xx sous tournois en ce compris sa desserte / Davoir assis xliii pommeaulx de bois esdiz cinq charioz qui / font pour tout vi livres tournois. Pour ce par lesdiz mandement / de madicte Dame et certifficacion dudit regnault Dorges / renduz cy devant en la premiere partie de ce chapitre ensemble / quictance dudit estienne

A Berthelemi le gentil, maistre de lorloige de / Dijon pour deux liens vint vervelles xii cloz a double / teste trois vires, un crampon ferreures de trois coffres Demi / Cent de petiz cloux quatre clefz pour lesdiz coffres une / serreure la ferreure dune eschillote neufve pour lun desdiz / charioz pour quatre blouques de fer et pour quatre croichez / pour deux coffres neuf pour loffice de leschanconnerie / pour tout lxx sous Dix deniers tournois. Pour ce par lesdiz / mandement de madicte Dame et certifficacion Dudit / regnault renduz cy dessus en la premiere partie de ce chappitre / ensemble quictance Dudit Berthelemi

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s