Archives de la Cote d’Or, B 1598

[f. 251v]

A Jehan de fauvergney cousturier pour la facon de xxviii / couvertes de Drap noir Dont sont couvers lesdiz xxviii quarreaulx / pour lesdiz charioz de mesdictes dames et leurs femmes pour / avour ^cousu^ rubans de saye noire tout au tour diceulx quarreaulx / Et pour la facon de deux tappis de drap noir pour mectre / au font desdiz deux charioz dessoubz lesdiz quarreaulx sept livres / Dix solz tournois. Pour ce par lesdiz mandement de madicte / Dame et certifficacion Dudit regnault renduz cy devant en la / premiere partie de ce chappitre ensemble quictance dudit de / fauvergney

A marguerite la lingiere femme de besancon le / corduannier demourant a Dijon pour la facon de xviii, toies / de toille pour xviii desdiz quarreaulx, avoir mis a point / pluseurs desdiz autres quarreaulx qui estoient dessiriez pour la [f. 252] facon de cinq couvertes et dix manteaulx de toille dont seront / couvers lesdiz charioz par dessus les couvertures de Drap / noir lxx viii sous iiii deniers tournois pour vint livres de plume pour remplir / partie desdiz xviii quarreaulx pour ce quilz nestoient pas / assez plains la livre au pris de iii sous iiii deniers tournois valent lxvi sous / viii deniers tournois. Pour dix aulnes de toille Dont len a fait / et parfait lesdictes cinq couvertures et Dix manteaulx desdiz / charioz laune au pris de ii sous vi deniers tournois, valent xxv sous tournois qui / font pour tout huit livres dix sos tournois. Pour ce par lesdiz / mandement de madicte Dame et certificacion Dudit regnault / rendu cy devant en la premiere partie de ce chappitre ensemble / quictance de ladicte marguerite

A henry le peintre demourant A Dijon pour / avoir peint de neuf de noir de nemeure lesdiz cinq charioz / pour chascun chariot huit livres tournois font quarante livres tournois / Pour ce par lesdiz mandement de madicte Dame et certifficacion / dudit regnault renduz cy devant en la premiere partie / de ce chappitre et quictance dudit henry

f. 252v

A Jehan rolier vouturier par terre pour le salaire de / lui trois varlez quinze chevaulx qui sont dixneuf / Bouches Pour avoir amene et aidier a amener audit lieu / de Dijon des ledit lieu de chartres sur deux charioz une / grosse bombarde appellee la bombarde Cambray. Ouquel / temps Ilz ont vacque depuis le premier Jour de Juillet / oudit an que par lordonnance de mondit seigneur Ilz partirent / de pontoise pour aler audit lieu de chartres pour faire ladicte / voicture Jusques au viie Jour Daoust suivant quilz arriverent / audit lieu de Dijon. Ouquel temps sont xxxviii Jours / entiers a trois gros pour chascune boiche, par Jour valent pour / ledit Jour quatre frans neuf gros qui est pour lesdiz xxxviii / Jours au feur que dessus neuf vins frans demi. Pour ce par / mandement de ma Dame la Duchesse de bourgoingne donne / a Dijon le xxiiiie Jour Doctobre mil quatre cens et dixneuf / ataichie a ung roole de parchemin ouquel sont escriptes et / et declairees, les parties desdictes voictures. Cy rendu servant [f. 253] es parties suivans, certiffie par germain de genry maistre de / lartillerie de mondit seigneur, comme Il appart par sa / certifficacion. Escripte au dessoubz dudit roole, Et aussi par / certifficacion de perrin alixans notaire publique escripte au dessoubz / dicellui roole. Par laquelle Il certiffie que ledit rolier et tous / les autres voicturiers nommez oudit roole se sont en sa presence et / chascun en droit soy tenus pour content, des sommes contenues en / icellui roole

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s