Archives de l’Allier, A 169

[f. 23]

Item Produit le procureur mondit seigneur ou / chapitre commancant Autre despense / de deniers paiez par mandemens / ou iiie feullet larticle qui sensuit

Audit argentier et receveur general lequel / est charge de par mondit seigneur de / aler a paris ou moys de Juillet / m cccc xlvii, en la compaignie de / pierre monseigneur de bourbon filz de mondit seigneur / le duc que Icellui seigneur envoyet a paris [f. 23v] demourer avec monseigneur le duc dorleans / Et avec ce eust Icellui argentier / et receveur general charge de par mondit seigneur / de bourbon de paier la despense que / feroit pierre mondit seigneur de bourbon / et ceulx de sa compaignie pour / le fait dudit voyage Laquelle despense / a este payee par Icellui argentier / et receveur general et monte a la somme / de iiC v livres iiii sous vii deniers tournois Comme contenue / est en ung cayer de papier Certiffiee / en fin de messire philippe de maulvoisin, / chevalier maistre dostel de mondit seigneur le duc / Lequel avoit charge de par mondit seigneur / de aller oudit voyage pour acompaigner / pierre mondit seigneur et aussi pour le fait / de la despense dicellui seigneur voyage / De laquelle somme voulant Icellui seigneur / ledit argentier et receveur general estre / rambourse et restitue comme raison est / Mande Icellui seigneur par ses lettres donnees et / veriffies le iiiie jour de septembre lan / mil iiiiC xlvii Icelle estee prinse par / ledit argentier et receveur general et par ses / mains des deniers de sa recepte et Icelle / estre alouee en ses comptes et rabatue / de sa recepte En rapportant seulement / lesdictes lettres avecques Icellui cayer [f. 24] Pour ce Icy par vertu desdictes lettres et / cayer cy rendus

Audit argentier et receveur general lequel / a la requeste dicellui seigneur Se soit oblige / a et envers Anthoine de chabannes / escuier conte de dampmartin en la / somme de deux mille escus dor / courant Pour partie de sept mil escus / dor courant En quoy Icellui seigneur estant / demoure tenu envers ledit anthoine / de chabannes Pour certain traicte et accord / fait pour et au nom dicellui seigneur par messires / de son conseil et de ses comptes avec / Icellui seigneur anthoine ou son procureur souffs’ / fonde par lui Pour raison de la somme de xm escus / dor, en quoy ledit anthoine disoit / icellui seigneur estre tenu a luy Et pour laquelle / somme avoit este baille pour Icellui seigneur / audit anthoine le chastel et chastellenie / de chancrioche avecques toute la revenue / dicellui chastel et chastellenie Par lequel / traicte et accord Icellui seigneur estoit demore / tenu envers ledit anthoine de chabanes [f. 24v] en ladicte somme de vii m escus dor pour / laquelle somme paier Et devoient obliger / Icellui argentier et receveur general et Jehan / pizdoue grenetier de molins Cestassavoir /

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s