Archives de la Cote d’Or, B 1601

f. 112

Audit guillaume de vendenesse la somme de vint frans qui lui estoit deue / pour prest fait A monseigneur pour convertir ou paiement de ses gens / darmes et autres frais pour le fait de du siege de chastel chignon / commil appert par lettres de recepte de regnault de thoisy lors receveur general de / bourgoingne donnees le xxviiie Jour de Juing m cccc et xii, et lettres de / madame la duchesse cy rendues donnees vie Jour de Juillet oudit an et / quictance dudit guillaume rendue comme en la partie precedant

[…]

Audit huguenin Jaulet la somme de viii livres ix sous iiii deniers tournois qui deue lui est, pour / la despensede feue ma dame la duchesse de bourgoigne darrenierement trespassee dont / dieu ait lame dont Il a este mis ou debte par le compte de [f. 112v] maciot estibourt nagaires maistre de la Chambre aux deniers de ma / dicte dame fini le darrenier Jour de may mil cccc sur le iiiixx ve fuillet commil / appert par cedule de la Chambre des comptes de mondit seigneur a dijon donnee / le iie Jour de may lan mil cccc et i, cy rendue avec quictance dudit huguenin

A Perreau lavocat la somme de iiii livres x sous tournois qui deue lui estoit a cause / de la despense de madame la contesse de nevers de ma dame de savoye / de phelippe monseigneur de bourgoingne et de messires les enfans de monseigneur le Conte / de nevers faicte depuis le premier jour de Juing mil cccc Jusques au darrenier / jour de decembre mil cccc et iii, et dont ledit perreau avoit este mis en / debte par le compte de Jehan aubert Jadiz maistre de la Chambre aux deniers / de feue ma dame la duchesse de bourgoingne darrenierement trespassee cui dieu pardoint / folio Cv, commil appert par cedule de ladicte Chambre donnee xiiiie Jour de / novembre mil cccc et xii cy rendue avec quictance dudit perreau

A Philippe baussant escuier sire descland heritier pour la moitie de feu / maistre Jehan de roichefort jaidiz conseillier de feurent [sic] messeigneurs philippe et jehan duc / de bourgoingne et leur bailli dauxois, et aussi auditeur avec les autres / auditeurs des causes, dappeaulx dudit duchie, Et a odot de la loye / escuier tant en son nom comme en nom et a cause de damoiselle / esteverote de layer sa femme heritiere pour lautre moitie dudit feu / maistre  Jehan la somme de iiiC xxii frans viii gros, qui deue estoit A / ycellui feu maistre Jehan Pour les causes et parties qui sensuivent […]

f. 113bis

A Demongeot le geme la somme de v frans qui deuz lui estoient pour / prest fait a mondit seigneur pour convertir ou paiement de ses gens darmes / commil appert par certifficacion de ma dame la duchese donnee le xxiiiie / Jour de Septembre mil cccc et xi, Au doz de la quelle est escripte la lettre de / recepte de Jehan moreaul lors commis a la recepte general de bourgoingne donnee / ledit xxiiiie Jour de Septembre mil cccc et xi, cy rendue avec quictance dudit / demoingeot servant cy et pour les ii parties ensuivant

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s