Archives de la Cote d’Or, B 1601

f. 133v

A Jehanne femme Pierre de la garmoise marchande demorant A troyes / la somme de six vins cinq frans, A elle paiez par lordonnance et / commendement de feu mondit seigneur pour les parties de toilles cy apres / Declairez. Cestassavoir pour une piece de toille fine Dont on / fist lors des cuevrechiefz pour ledit feu seigneur, xxiiii frans / A elle pour une autre piece de toille fine pour lui faire lors des / chemises et petis draps xx frans A elle pour iiii autres pieces / de semblable toille pour lui faire des draps de lit lvi frans. Et / pour deux pieces de semblable toille pour en faire des baingneurs / pour ledit feu seigneur par marchie fait a elle xxv frans Toutes / lesquelles parties montent a ladicte somme de vixx v frans Et appert / par mandement de mondit feu seigneur signe et non seelle Donne A / Prouvins le xiiiie Jour de fevrier m cccc xviii cy rendu, Avec / quictance de ladicte Jehanne requise par ledit mandement seulement / En oultre certifficacion du traictre philippe jossequin sur lachat pris / et Delivrance Des choses Dessus Dictes

f. 135

A ysambart danistel brodeur demourant a paris la somme de trente six / livres tournois, que monseigneur lui devoit pour la vendue et delivrance de / Deux marcs Dargent froissie quil avoit fait prendre et acheter / De lui au pris de xvi livres tournois le marc pour mettre et ouvrer en orfaverie / sur une robe a chevauchier que feu mondit seigneur avoit nouvellement fait / faire, et pour ung noble dor achette de lui pour Dorer ledit / argent, iiii livres Ainsi comme tout ce appert par mandement de mondit feu / seigneur signe et non seelle, Donne A pontoise le xxie Jour de / Juillet m cccc xix cy rendu, Avec quictance Dudit brodeur Et / certifficacion Dudit traictre philippe, sur lachat pris et delivrance Des / choses Dessus Dictes requises par ledit mandement seulement

f. 139v

A Thomas le fevre Jehanin du Chastel clers huguenin pucelle / et Jehan Jolybois la somme de unze livres six solz viii deniers tournois / qui leur ont este baillie par le commandement et ordonnance De / mondit seigneur. Cestassavoir aus diz clers pour avoir escript en leur / pappier et parchemin pluseurs lettres tant du deffiement fait par / mondit seigneur au duc fedric comme autres xli sous viii deniers tournois Et [f. 140] ausdiz huguenin et Jolybois ix frans v sous tournois pour avoir ^porte^ lettres closes de / par mondit seigneur de la ville de lille A dijon devers madame la duchesse / de bourgoingne, et en pluseurs lieux, plusaplain contenus et declairez / es lettres patentes de mondit seigneur sur ce faictes et donnees A lille le / xviiie Jour daoust m cccc xvi. Cy rendu, Avec quictance / dudit huguenin et Jolybois escripte au doz requises par ledit / mandement seulement

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s